Ihe A Ga-ekwu Banyere Magazin Ndị A

Ụlọ Nche Aug. 15

“Anyị ga-achọ ịmata ihe i chere banyere otu ihe Jizọs kwuru. [Gụọ Matiu 5:5.] Ọ̀ dị gị ka ụwa ọ̀ ga-adị otú ọ dị ugbu a ma e mezuo nkwa a? [Chere ka ọ zaa.] Magazin a na-egosi ihe Bible sịrị na ọ bụ otú Jizọs ga-esi gbanwee ụwa a. O mekwara ka a mara ndị ga-eketa ụwa.”

Ụlọ Nche Sept. 1

“Ọtụtụ mmadụ taa enweghịzi mmasị n’okpukpe. Ì chere na mmadụ iji okpukpe kpọrọ ihe na-eme ka onye ahụ ghọọ ezigbo mmadụ? [Chere ka ọ zaa.] Lee ihe Bible kwuru na ụfọdụ ndị ga na-achọ n’okpukpe n’oge ikpeazụ a. [Gụọ 2 Timoti 4:3, 4.] Magazin a na-akọwa otú ezi ofufe si enye Chineke nsọpụrụ na otú o si abara anyị uru.”

Teta! July-Sept.

“Taa, ọtụtụ ndị di na nwunye na-enwe nsogbu. Ì chere na di na nwunye ga-erite uru ma ha tinye ụkpụrụ a dị na Bible n’ọrụ? [Gụọ Ndị Efesọs 4:32. Ị gụsịa, gị echere ka ọ zaa.] Teta! a mere ka a mara ụkpụrụ Bible ndị a chọpụtarala na ha nwere ike inyere anyị aka ime ka anyị na di ma ọ bụ nwunye anyị na-enwe obi ụtọ.”

Ọ bụrụ nwa okorobịa ma ọ bụ nwa agbọghọbịa ka i nwetara n’ụlọ, i nwere ike ikwu, sị: “Ọtụtụ n’ime ndị ọgbọ gị echewela echiche ịlụ nwanyị (ma ọ bụ, di). Olee ebe i chere ị ga-enweta ihe ọmụma a pụrụ ịdabere na ya n’ihe banyere alụmdi na nwunye? [Chere ka ọ zaa.] Ka anyị chọpụtagodị onye malitere ndokwa alụmdi na nwunye. [Gụọ Matiu 19:6.] Magazin a kwuru ụfọdụ ụkpụrụ Bible ndị ga-enyere anyị aka ime ka anyị na di ma ọ bụ nwunye anyị na-enwe obi ụtọ.”