Ihe Ndị A Ga-ekwu Banyere Magazin Ndị A

Ụlọ Nche Aug. 15

“Gịnị ka i chere banyere ihe a Bible kwuru n’ebe a? [Gụọ Ndị Hibru 3:4.] Ì kwetara na ọ bụ Onye Okike nke nwere ọgụgụ isi kere eluigwe na ala? [Chere ka ọ zaa.] Magazin a kọwara ma mmadụ ikwere na e nwere Onye Okike ò kwekọrọ n’ihe ezigbo sayensị na-akụzi.”

Ụlọ Nche Sept. 1

“Ọtụtụ ndị weere ‘Agba Ochie’ dị ka akụkụ Bible nke kọrọ akụkọ mere eme ndị bara uru. Ma ha na-enwe obi abụọ ma ntụziaka ndị dị na ya hà ka bara uru taa. Olee ihe i chere? [Chere ka ọ zaa. Ọ zachaa, gụọ Ndị Rom 15:4.] Magazin a na-egosi otú ‘Agba Ochie’ si enye ndụmọdụ ndị na-abara anyị uru ná ndụ anyị na-adị kwa ụbọchị, na-emekwa ka anyị nwee ezi olileanya maka ọdịnihu.”

Teta! July–Sept.

“Ì chere na Chineke ekpebielarị otú anyị si akpa àgwà nakwa ihe ga-emecha mee anyị? [Chere ka ọ zaa.] Dị ka amaokwu Bible a m ga-agụ si kwuo, Chineke na-enye ụmụ mmadụ ohere ịhọrọ otú ha ga-esi bie ndụ ha. [Gụọ Deuterọnọmi 30:19.] Isiokwu a na-akọwa ihe Bible kwuru n’okwu a.” Gosi ya isiokwu malitere na peeji nke iri na abụọ.

“Ego dị anyị nile mkpa iji na-adị ndụ. Ì chere na o nwere otú mmadụ ga-esi na-achụ ego, ya abụrụ na ọ na-achụbiga ya ókè? [Chere ka ọ zaa.] Legodị ihe Bible kwuru na ịchụ ego na-akpata. [Gụọ 1 Timoti 6:10.] Na magazin a, a tụrụ aro ndị bara uru banyere otú mmadụ ga-esi mee ka ndụ ya dị mfe, obere ego o nwere ana-ezukwara ya.”