Ihe A Ga-ekwu Banyere Magazin Ndị Ahụ

Ụlọ Nche Aug. 15

“Ihe ka ọtụtụ ná ndị mmadụ ji inwe ezi aha akpọrọ ihe. Ụfọdụ na-eche echiche ọbụna otú a ga-esi cheta ha mgbe ha nwụsịrị. Ì chetụwo nke a n’echiche? [Nye ohere maka nzaghachi. Mgbe ahụ gụọ Eklisiastis 7:1.] Ụlọ Nche a na-atụle otú anyị pụrụ isi nwee ezi aha ma n’ihu mmadụ ma n’ihu Chineke.”

Ụlọ Nche Sept. 1

“Ọtụtụ mmadụ na-eche na okpukpe dị iche iche nke ihe a kpọrọ mmadụ bụ ụzọ dị iche iche na-eduga n’otu ebe. Ndị ọzọ kweere na e nwere nanị otu ezi okpukpe. Ì chetụwo nke a n’echiche? [Nye ohere maka nzaghachi.] Magazin a na-enyocha otu ilu ochie nke na-eme ka a ghọta ajụjụ a nke ọma.” Kwuo okwu n’ihe dị na Matiu 13:24-30.

Teta! Sept. 8

“Ọ bụrụ na e jitụwo ike megbuo gị onwe gị ma ọ bụ onye òtù ezinụlọ gị, ị pụrụ ịma otú o si ekowe mmadụ obi n’elu. [Nye ohere maka nzaghachi.] Ná mbipụta Teta! a, e nwere aro ndị pụrụ ịbara ndị a na-eji ike emegbu uru. Ọ na-atụlekwa nkwa Chineke kwere banyere oge mgbe a na-agatụghị enwe nsogbu ndị dị otú ahụ ná ndụ.” Gụọ Maịka 4:4.

“Ejiji ndị na-ewu ewu na-enwe mmetụta dị ike ná ndụ ọtụtụ mmadụ taa. Ụfọdụ ndị na-eche na a na-ekwusikarị okwu ike banyere ihe ndị mmadụ na-eyi na otú ha na-adị. Gịnị bụ echiche gị? [Nye ohere maka nzaghachi.] Teta! a na-atụle ụzọ kwesịrị ekwesị a ga-esi na-ele ejiji anya.” Gụọ Ndị Kọlọsi 3:12.