Ihe A Ga-ekwu Banyere Magazin Ndị Ahụ

Ụlọ Nche Dec. 15

“N’oge a n’afọ, ndị mmadụ n’ụwa nile na-echeta ọmụmụ Jizọs n’ụzọ dịgasị iche iche. Ị̀ ma na amụma Bible na-egosi na ọmụmụ Jizọs ga-eme ka e nwee udo na-adịgide adịgide? [Nye ohere maka nzaghachi. Mgbe ahụ gụọ Aịsaịa 9:6, 7.] Magazin a na-akọwa otú a ga-esi nweta udo ahụ.”

Ụlọ Nche Jan. 1

“Ihe ka n’ọnụ ọgụgụ n’okpukpe ndị e nwere na-akụzi na ndị mmadụ kwesịrị ịhụ ndị agbata obi ha n’anya. [Gụọ Matiu 22:39.] Gịnịzi ka i chere mere okpukpe ji etinye aka n’ọtụtụ agha na esemokwu ndị a na-enwe n’ụwa? [Nye ohere maka nzaghachi.] Mbipụta Ụlọ Nche a na-atụle ajụjụ bụ́, Okpukpe ọ̀ pụrụ ime ka ihe a kpọrọ mmadụ dị n’otu?”

Teta! Jan. 8

“Ị̀ chọpụtawo na ọnụ ọgụgụ ka ukwuu nke ndị mmadụ taa na-enwekarị nchegbu banyere otú ha dị n’ile anya? [Nye ohere maka nzaghachi.] Magazin a na-atụle ụfọdụ n’ime ihe ize ndụ ndị dị n’ịbụ onye ịma mma na-echu ụra. Ọ na-emekwa ka abamuru nke ụdị ịma mma kasị mkpa pụta ìhè.” Gụọ 1 Pita 3:3, 4.

“Olee otú ị ga-esi zaa ajụjụ a? [Gụọ ajụjụ dị n’ihu magazin. Mgbe ahụ nye ohere maka nzaghachi.] Akụ̀ ndị dị n’ụwa na-ebelata n’ụzọ dị egwu. Ma, legodị nkwa a na-emesighachi obi ike. [Gụọ Abụ Ọma 104:5.] Mbipụta Teta! a na-akọwa otú a ga-esi mee ka mbara ụwa anyị dịghachi mma n’oge na-adịghị anya.”