Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Ọgọst

I kelechaa onye ị bịara na nke ya, gị asị ya: “E nweghị onye n’ime anyị na-anaghị ekpe ekpere. Ndị na-ekweghị na Chineke na-ekpedị ekpere ma ha nwee nsogbu. Ma, ì chere na Chineke na-anụ ekpere niile?” Chere ka ọ zaa. Ya kwuchaa, gị egosi ya, Ụlọ Nche Ọgọst 1, peeji nke 16. Gị na ya tụlee ajụjụ nke mbụ dị na peeji ahụ, gụọkwanụ ma ọ́ dịghị ihe ọzọ otu n’ime amaokwu Baịbụl ndị dị n’ebe ahụ. I mechaa, nyekọta ya Ụlọ Nche ahụ na Teta!, gị na ya yiekwa mgbe ị ga-abịaghachi ka unu tụlee ajụjụ nke abụọ.

Ihe ị ga-eburu n’obi: A ga-eme ihe ngosi a mgbe a na-enwe nzukọ ozi ubi n’Ọgọst 3.

Ụlọ Nche Ọgọst 1

I kelechaa onye ị bịara na nke ya, gị asị ya: “Anyị na ndị enyi anyị na-ekwurịta gbasara otú foto ndị gbaa ọtọ si ju ebe niile. Ọ na-enye ọtụtụ ndị nsogbu n’obi ma ha hụ foto ndị gbaa ọtọ. Ma, ndị ọzọ chere na ile ụdị foto ndị ahụ enweghị ihe o mere. Gịnị ka gịnwa chere? [Chere ka ọ zaa. Ya kwuchaa, gị asị ya:] Jizọs kwuru na ihe anyị ga-eji mata ma ihe ọ̀ bụ ihe ọjọọ ka ọ̀ bụ ihe ọma bụ ụdị àgwà ihe ahụ mere ka anyị na-akpa. [Gụọ Matiu 7:17.] Ụlọ Nche a kwuru banyere ụdị àgwà ndị na-ele foto ndị gba ọtọ na-akpa. O kwukwara ihe ndị ga-enyere mmadụ aka ka ọ kwụsị ile ụdị foto ndị ahụ.”

Teta! Julaị–Ọgọst

I kelechaa onye ị bịara na nke ya, gị asị ya: “Ị̀ ma ihe mere obi ji taa ọtụtụ ndị mmiri n’ụwa a? Ọ bụ n’ihi na onye na-achị ụwa bụ onye ọjọọ. Ma, ị̀ ma onye ọ bụ ya na-achị ụwa a? [Chere ka ọ zaa. Ya kwuchaa, gị asị ya:] Ka m gosi gị ihe Chineke kwuru na ya ga-eme onye ahụ na-achị ụwa n’oge na-adịghị anya. [Gụọ Jọn 12:31.] Teta! a kọwara onye Setan bụ. Ọ kọwakwara ihe anyị ga-eme ka ọnyà ya ghara ịmata anyị.” Gosi ya isiokwu malitere na peeji nke 14.