Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Ọgọst

“Ndị mmadụ nwere okpukpe dị iche iche ha na-ekpe, onye ọ bụla nwekwara otú o si na-efe Chineke. Ì chere na Chineke chọrọ ka e si otú ahụ na-efe ya? [Chere ka ọ zaa.] Legodị ihe Jizọs kụziri n’okwu a.” Nye onye nwe ụlọ otu Ụlọ Nche Ọgọst 1, gị na ya tụleekwa ihe e dere n’okpuru ajụjụ nke mbụ dị na peeji nke 16. Gụọkwanụ otu amaokwu Baịbụl e dere ebe ahụ, ma ọ dịghị ihe ọzọ. Unu mechazie, nye ya Ụlọ Nche ahụ na Teta!, gị na ya yiekwa mgbe ị ga-abịaghachi ka unu tụlee ajụjụ nke abụọ.

Ọgọst 1

“Ka m jụgodị gị: Olee mgbe e kwesịrị ịmalite kụziwere ụmụaka gbasara Chineke? Ọ̀ bụ mgbe ha ka dị obere ka ọ̀ ka mma ịhapụ ha ka ha jiri aka ha kpebie ihe ha ga-ekwere ma ha too? [Chere ka ọ zaa.] Legodị ihe Baịbụl gwara ndị nna ka ha mee. [Gụọ Ndị Efesọs 6:4.] Magazin a kwuru otú ụfọdụ ndị nne na nna nwere ike isi kụziere ụmụ ha gbasara Chineke.”

Julaị–Septemba

“Iyi ọha egwu aghọọla nsogbu zuru ụwa ọnụ. Gịnị ka i chere kpatara ya? [Chere ka ọ zaa.] Amaokwu Baịbụl a m chọrọ ịgụrụ gị gosiri na oge na-abịa mgbe ndị mmadụ na-agaghịzi eyi ibe ha egwu. [Gụọ Abụ Ọma 72:7, 14.] Magazin a kwuru ihe ụfọdụ mere ụmụ mmadụ ji eyi ibe ha egwu. Ọ gwakwara anyị ihe Baịbụl kwuru gbasara otú iyi ọha egwu ga-esi akwụsị nakwa mgbe ọ ga-akwụsị.”