Ụmụnna nwaanyị ndị a ji Ozi Ọma Si n’Aka Chineke na-ezi ndị mmadụ ozi ọma na Madagaska
Ihe I Nwere Ike Ikwu
ỤLỌ NCHE
Ajụjụ: Olee otú i chere ụwa a ga-adị ma mmadụ niile na-eme ihe a anyị ga-agụ na Baịbụl ugbu a?
Amaokwu Baịbụl: Hib. 13:18
Otú a ga-esi enye ya: Amaokwu Baịbụl a kwuru ka anyị na-akwụwa aka ọtọ n’ihe niile anyị na-eme. Ihe ọ pụtara bụ na anyị ga na-ekwu eziokwu mgbe niile. Ụlọ Nche a kwuru ihe ga-enyere anyị aka ịna-eme otú ahụ.
ỤLỌ NCHE (peeji nke 16)
Ajụjụ: O nwere otu ajụjụ dị n’Ụlọ Nche a m chọrọ igosi gị. [Gụpụta ajụjụ nke mbụ.] Ụfọdụ ndị na-ekwu na mmadụ nwụọ mkpụrụ obi ya agaa biri ebe ọzọ. Ndị ọzọ na-ekwukwa na mmadụ nwụọ nke ya agaa. Gịnị ka gịnwa chere?
Amaokwu Baịbụl: Ekli. 9:5
Otú a ga-esi enye ya: Isiokwu a ga-akọwakwuru gị gbasara ihe a Baịbụl kwuru. M ga-achọ ka ị gụọ ya. Anyị ga-elebakwu ya anya ma m bịa oge ọzọ.
OZI ỌMA SI N’AKA CHINEKE!
Otú a ga-esi enye ya: M bịara ka m gosi gị otú anyị na ndị mmadụ si amụ Baịbụl. Akwụkwọ a ga-enyere gị aka ịmụta otú ị ga-esi jiri Baịbụl gị mata azịza ajụjụ ndị na-echu ọtụtụ ndị ụra taa.
Ajụjụ: Ịgụ Baịbụl ọ̀ na-amasị gị? Ka m jiri akwụkwọ a zi gị ihe gosiri na Baịbụl esighị ike nghọta. [Gị na ya mụọ ajụjụ nke 1 dị n’isiokwu nke 2.]
Amaokwu Baịbụl: Mkpu. 4:11
DEE OTÚ ỌZỌ Ị GA-ESI JIRI OTU N’IME AKWỤKWỌ NDỊ A ZIE OZI ỌMA
Jiri aro ndị a dị́ ebe a dee otú ọzọ ị ga-achọ isi jiri akwụkwọ ndị a zie ozi ọma.