AKỤ̀ NDỊ SI N’OKWU CHINEKE | ỌPỤPỤ 10-11

Mozis na Erọn Gosiri na Ha Nwere Ezigbo Obi Ike

10:3-6, 24-26, 28; 11:4-8

Mozis na Erọn gosiri na ha nwere ezigbo obi ike mgbe ha na-agwa Fero okwu n’agbanyeghị na ọ bụ nwoke kacha akpa ike n’ụwa mgbe ahụ. Gịnị nyeere ha aka inwe ụdị obi ike a? Baịbụl kwuru banyere Mozis, sị: “Ọ bụ okwukwe ka o ji hapụ Ijipt, ma ọ tụghị iwe eze egwu, n’ihi na o guzosiri ike dị ka à ga-asị na ọ na-ahụ onye ahụ anya bụ́ Onye a na-apụghị ịhụ anya.” (Hib. 11:27) Mozis na Erọn nwere okwukwe siri ike n’ebe Jehova nọ, ha tụkwasịkwara ya obi.

Olee ọnọdụ ndị ga-achọ ka i jiri obi ike gwa onye nọ n’ọkwá dị elu ihe i kweere?

Foto ndị na-egosi: Ọnọdụ ndị ga-achọ ka anyị nwee obi ike. 1. Ebe otu nwata nwoke guzo ọtọ n’ụlọ akwụkwọ ka ndị ọzọ na-ekele ọkọlọtọ. 2. Ebe otu nwanna nwoke guzo n’ihu ndị ikpe n’ụlọikpe. 3. Ebe otu nwanna nwoke na-enye mmadụ traktị n’ozi ọma, onye uwe ojii ana-ele ya.