Olee Otú Ụmụnna Nwaanyị Nwere Ike Isi Na-enyekwu Aka n’Ozi Jehova?

Ụmụnna nwaanyị na-arụ ọrụ bara ezigbo uru n’ozi Alaeze Chineke. (Ọma 68:11) Ha na-eduzi ọtụtụ n’ime ọmụmụ Baịbụl ndị Jehova na-eduzi taa. Ọtụtụ n’ime ndị ọsụ ụzọ oge niile bụ ụmụnna nwaanyị. E nwekwara ọtụtụ puku ụmụnna nwaanyị na-arụsi ọrụ ike n’ozi Betel, n’ozi ala ọzọ, n’ịrụ ụlọ ndị anyị na-anọ efe Jehova, nakwa n’ịsụgharị akwụkwọ anyị dị iche iche. Ụmụnna nwaanyị ma nke a na-akọ n’ọgbakọ na-agbakwa ndị ezinụlọ ha na ụmụnna ha ume. (Ilu 14:1) Ọ bụ eziokwu na ụmụnna nwaanyị agaghị abụli ndị okenye ma ọ bụ ndị ohu na-eje ozi, ma e nwere ihe ndị ha nwere ike ikpebi imekwu n’ọgbakọ. Ọ bụrụ na ị bụ nwanna nwaanyị, olee ụzọ ụfọdụ i nwere ike isi na-enyekwu aka n’ozi Jehova?

• Mụta ịna-akpa àgwà ọma e ji mara Ndị Kraịst.​—1 Tim. 3:11; 1 Pita 3:​3-6

• Jiri ihe ndị ị mụtarala n’ọgbakọ nyere ụmụnna nwaanyị ndị ọzọ aka.​—Taị. 2:​3-5

• Mee ka otú i si ezi ozi ọma na-akakwu mma, jirikwa oge buru ibu na-ekwusa ozi ọma

• Mụọ asụsụ ọzọ

• Kwaga n’ebe a chọkwuru ndị na-ekwusa ozi ọma

• Tinye akwụkwọ maka ije ozi na Betel ma ọ bụ inye aka na-arụ ụlọ ndị anyị na-anọ efe Jehova

• Tinye akwụkwọ ịga Ụlọ Akwụkwọ Maka Ndị Na-ekwusa Ozi Ọma Alaeze

LEENỤ VIDIO BỤ́ “ỤMỤ NWAANYỊ NA-ARỤSI ỌRỤ IKE N’IME ONYENWE ANYỊ,” ZAAKWANỤ AJỤJỤ NDỊ A:

• Olee otú ihe nwanna nwaanyị nke ọ bụla kwuru si gbaa gị ume?