Jiri Ihe Ndị Na-emenụ Na-ezi Ozi Ọma

Jizọs ji ihe ndị na-eme n’oge ya zie ndị mmadụ ozi ọma. (Luk 13:​1-5) I nwekwara ike iji ihe ndị na-emenụ mee ka ndị mmadụ nwee mmasị n’ozi Alaeze Chineke. I nwere ike ibu ụzọ kwuo gbasara otú ihe sị ada oké ọnụ, ọdachị ndị na-emere onwe ha, ọgba aghara ndị na-eme n’obodo, otú ịṅụ ọgwụ ọjọọ si eri ọtụtụ ndị ahụ́ ma ọ bụkwanụ ihe ndị yiri ha. E mechaa, gị ajụọ onye ahụ ajụjụ ga-eme ka o chee echiche. I nwere ike ịjụ ya banyere otu n’ime nsogbu ndị ahụ, sị: “Ì chere na o nwere mgbe ọ ga-akwụsị? Ma ọ bụ “Gịnị ka i chere ga-eme ka ọ kwụsị?” Gụziere onye ahụ otu amaokwu Baịbụl kwuru gbasara ya. Ọ bụrụ na o nwere mmasị, gwa ya banyere otu vidio ma ọ bụ akwụkwọ dị n’Ihe Ndị Anyị Ji Akụziri Ndị Mmadụ Ihe. Ka anyị gbalịa ‘na-eme ihe niile n’ihi ozi ọma’ ka anyị na-agba mbọ ime ka ozi ọma ruo ndị bi n’ókèala anyị n’obi.​—1 Kọr. 9:​22, 23.

Olee isiokwu ndị nwere ike ịmasị ndị bi n’ókèala unu?