OTÚ NDỊ KRAỊST SI EBI NDỤ
Ha Na-agbasi Mbọ Ike Ka Ha Nwee Ike Ijere Anyị Ozi
Ndị nlekọta sekit na ndị nwunye ha na-egosi n’eziokwu na ha hụrụ ndị ha na-ejere ozi n’anya. Ma, ha bụkwa mmadụ otú a anyịnwa bụ. Ha nwere ihe ndị na-akpa ha, ike na-agwụkwa ha mgbe ụfọdụ. E nwekwara oge ndị ha na-ada mbà n’obi ma na-echegbu onwe ha. (Jems 5:17) N’agbanyeghị ihe ndị a, n’izu ọ bụla, ihe na-abụ mkpa ha bụ ịgba ụmụnna nọ n’ọgbakọ ha na-eleta ume. N’eziokwu, ‘e kwesịrị ịna-akwanyere ndị nlekọta sekit ùgwù okpukpu abụọ.’—1 Tim. 5:17.
Mgbe Pọl onyeozi na-ahazi ịga leta ụmụnna nọ na Rom ka ‘o nye ha onyinye si n’aka Chineke,’ ọ nọ na-atụ anya ‘ka ha jiri okwukwe ha gbaa ya ume, yanwa ejirikwa okwukwe nke ya gbaa ha ume.’ (Rom 1:11, 12) Ì chetụla gbasara otú ị ga-esi gbaa onye nlekọta sekit unu ume, ma ọ bụkwanụ gbaa ya na nwunye ya ume ma ọ bụrụ na ọ lụrụ nwaanyị?
LEENỤ VIDIO BỤ́ OTÚ NLETA ONYE NLEKỌTA SEKIT NA-ADỊ N’IME OBODO, ZAAKWANỤ AJỤJỤ NDỊ A:
Olee ụzọ dị iche iche ndị nlekọta sekit na ndị nwunye ha si egosi na ha hụrụ ọgbakọ ha na-eleta n’anya?
Olee otú mbọ ha na-agba sirila baara gịnwa uru?
Olee otú anyị nwere ike isi gbaa ha ume?