Dieneni-nana

Jesus Mịẹye Mị

VIDIO: Jesus Kịmịotu Dieneni Mị

1. VIDIO dii, anịghakpọ Mark 6:​30-34 goo dá, bei biibịbịbo kẹrị iroro:

1. Tetuu kị duonị, Jesus mọ wo tuuduo-otubo mọ laa “ẹmbafoumụ” ikiemọye nana wẹrị ma o?

2. Teeki Jesus dịnẹmọ wẹrị kịmịbo tolumọ ma o?

Jesus Mịẹye Mị Te Ka Kị Wó Tolumọ Ma O?

2. Ebiegberi gbaa kịmịotu pịrịmụ yọ bụọmọdẹ mị, omịnị dieneni kpọ nana agbẹịemi.

Jesus Dimịẹ

3. Ebibara ụbọ pei. Ụbọ bụọmọ wẹrị wo ịkịọụ bọọ emi yọ gbaa paamọ. Ụbọ ẹrẹmịnị ifie mị egberi gbaa tụakụmọ, ụbọ gbaamịnị yebị yelaagha bara kpọ mịẹkụmọ. Ị́mịnị ebibara ụbọ peipẹlẹ wẹrịemisẹ, ụbọ gbaamịnị yemị ị́ gbele-emi bara kị mịẹdịamịnị.

4. Dịsẹnana wẹrịemi ụbọ bị kẹrị iroro. Anị maa kịmị ẹrẹteidẹ egberibo diitụa dá, bei biibịbịbo akị iné angọ bii:

1. ‘Tetuu kị duonị ụbọ bị gesii nimi agbẹịemi a o?’

2. ‘Bible tolumọmịnị yọmị, tebara ka kị baratụa ụbọ pịrị a paaemi a o?’

5. Baratụa akị ụbọ pịrịmụ yeama gbaa akị ụbọ pịrị. Ifie faamọgha bara Bible akị ụbọ mọ tolumọdá, Bible tolumọmịnị yọmị wo biibịbịbo parụ, bá baratụa ụ pịrịmụ bara ụbọ bị mọ ẹrị.