Ári Tebara Kị́ Naá Bei Bọ́lọụ Bị Diimọ́nimí O?

BIBLE GBAANIMI YE BI

“Ọkpọnanáowei . . . ọrọ tọrụmọ́ ghọ youbénimọ sẹ kụọsinngǐmi, má fị kpó tǐmi ghá fangǐmi, kụnụ kpọ kụrọyou kpọ́ má dọọnyọ kpọ́ tǐmi ghá fangǐmi. Tǐmiwẹrị yemọ bó bụọf’ásind’ọ́.”—Revelation 21:3, 4, New World Translation.

BỊSÁ GBAANIMI YE BI INÉ Ụ̌NDỤ BỊ́ DEI NI EBIMỌNGỊ́ BARA BỊ

Yělaa má bǒlouịmbẹlẹmọ’emi fịrị.—Isaiah 65:21-23.

Dọọn kpọ́ má fa’á aniífaghákpọ ụyapaamọ́ sẹ kpọ.—Isaiah 25:8; 33:24.

Bǒloúịmbẹlẹ́, dụ̌ụ fa’á ụndụ naá iné angǎwarị mọ má ikiaotúama mọ nanangǐmi.—Psalm 37:11, 29.

WÓNI GESIIBARA BỊ́ KỤRẸỊ́ BIBLE GBAANIMI YE BI GBANAỊNGÍMA Ó?

Íin, iyěrikaa kị́ maa tuú bịmẹẹ́nị:

• Ọkpọnanáowei yé bí mịẹběinmọnigị kụrọ nananimi. Bible bolou bi, Jehovah Ọkpọnanáowei kụmọ akị “kụrọm’ọ́sẹnanaowei bi,” abịbara tịịnnimí, tǔubi erí dụ̌ụ fa’á kụrọ kị nananimí. (Revelation 15:3) Anịnị́ karaị́sụịịn bára naá wó ǒkpọ bị́ dei bó ní ebimọngị ǎbị nị́ wo gbaaními ye bi erí ebibará naá kụrẹị́ mịẹpaamọ̌ngimi. Bible gbaabara bị, “yěmọ sẹ Ọkpọnanáowei bara ghọ bọụbọ̌ụ k’emi.”—Matthew 19:26.

• Ọkpọnanáowei gbáánimí ye bi mịeběinmọngịyọ dị́sẹ́kụrọmọnimí. Akí tọ̌nmọ gbǎangị bị, kị̌mịama nị fịd’ọ́ otumọ Jehovah waịị́ nị ụndụ́ nị ọ pịrịngị́yọ dịsẹ́kụrọmọnimí.—Job 14:14, 15.

  Ọkpọnanáowei Yaị, Jesus, dọọn kịmịáma zụọmị abịbara kpọ Bible mọ́ dị́ánimí. Tetuu kí bịmẹénị erí bịsábara mịẹmọ? Bịsá tuu bi eri kí mịẹ dọụmị́. (Mark 1:40, 41) Jesus bǎratụ́a naá ụya kịmịama pịrị bara ghọ karaịsuịịnbára naá wo Daụ émibara bị dịamị.—John 14:9.

  Anịnị́ Jehovah kpọ má Jesus kpọ bǎratụ́a naá wó pịrị bolouịmbẹleyọ nanangǐmi abịyọ bọghọ tamanaịnyọ́ fa’á!—Psalm 72:12-14; 145:16; 2 Peter 3:9.