Ụy’á Kẹnịbáị Ya Bó Kǔnemọ Lǎangíma Ó?

BIBLE GBAANIMI YE BI

“Ọkpọnanáowei . . . oro tọrụmọ́ ghọ yǒubénimọ sẹ kụọsinngǐmi, má fị kpọ́ faghá, ụya kpọ́ faghá, yǒu kpọ́ faghá, aniiífaghákpọ dọọn kpọ́ fagha fangǐmi.”—Revelation 21:3, 4, Contemporary English Version.

BỊSÁ YE BI MỊẸ NỊ Ị PǏRỊNGỊ EBIMỌ

Wó bụụdọọnyemọ Ọkpọnanáowei dụọ bó ghá abịbara naá tamanaịnyọ́ fa’á bara gbanaị ye.—James 1:13.

Wóni ụya’emí ifie bi Ọkpọnanáowei wó dii ni eněni’emi abị bara nimi yọ bọghọ kụrọmọyé nanaye.—Zechariah 2:8.

Ụyam’ọ́ sẹ bọ́ dụ̌ụngimi abị ukiemọye nanaye.—Psalm 37:9-11.

WÓNI GESIIBARA BỊ́ KỤRẸỊ́ BIBLE GBAANIMI YE BI GBANAỊNGÍMA Ó?

Íin, iyěrikaa kị́ maa tuú bịmẹẹ́nị:

• Ọkpọnanáowei ụy’á má kịrịị́ghalabapẹlẹye dịsẹgha. Mẹ́nị Ọkpọnanáowei, Jehovah mịẹbara bị dii, Bible ifie bọghọ wo kịmịmọ́ ọ pịrị nị ikásátụabara ụyamọtimi ifie bi. Bible bị gbǎamẹẹ́ẹ erí “kị̌mịmọ ọ penịmọ́’emiyọ” bọghọ bǒlouịmbẹlẹghá abịbara kị gbaamị.—Judges 2:18, New World Translation.

  Ọkpọnanáowei bǒloúkọọn naá kị̌mịama nị seiyé naá zǐniotu mị̌ẹ’emi otu pịrịěmi. Akị́ tǒnmọ gbǎangị bị, Bible bi gbáámẹẹ́é “mịẹ́seiye fa’á asịn kị dọsịemi baramọ” ụ pịrị dị̌sẹghá kụrọmọmịnị́ị k’emi, abibara kị gbaamị.—Proverbs 6:16, 17.

• Ọkpọnanáowei wó ghọ́ kẹnịbọ́ kẹnịbọ́ diiěmi. Kị̌mịọwọụmọ kụmọ “ẹmẹnẹ lǎaemi ụ̌ya nǐmi má ẹmẹ̌nẹ dọọnyọ nǎaemi” abibara gha ịndaá Jehovah kpọ nǐmiwónimi!—2 Chronicles 6:29, 30.

  Wo Amǎnanaoweidaabụọ duo, Jehovah alǎghatimi wó ghọ́ kẹnịbọ́ kẹnịbọ́ ụyamọsẹ akị bó kụnemọngịdọ. (Matthew 6:9, 10) Ịndaá bẹ́’emi ifie bị́, erí tarị naná bára ghọ kụrọmọyé naá kị̌mịama nị bǒloúsẹ akị nị ụ dọụ bǒemi otumọ pirịěmi.—Acts 17:27; 2 Corinthians 1:3, 4.