Fịd’ọ́ Kịmị bị Gesiibara Bị́ Kụrẹị́ Waịị́ ni Ụndụ́ Nǎnangima Ọ́?

BIBLE GBAANIMI YE BI

“Fịd duó waịị́ seriiyé pǎangimi.”—Acts 24:15, New World Translation.

ÁRỊ FỊ DUÓ WAỊỊ́ SERIIYÉ GHỌ GBANAỊDỌ ǍBA INÉ NǍNANGIMI YÉ BÍ

Kụrọmọyé nanagǐmi iné tǎrịnimi otu fịd’ọ́ ǎba.—2 Corinthians 1:3, 4.

Ẹgbẹi ghá bara naá fị ọwẹ́ịye ghọ fǒnmuunyọ nǎnaye.—Hebrews 2:15.

Izọ̌nbaị ǔkiemọye naá iné tǎrịnimi fị̌dọ ǒtumọ mọ waịị́ bó kẹ́nị́sụọmẹịngị́yọ nanaye.—John 5:28, 29.

WÓNI GESIIBARA BÍ KỤRẸỊ́ BIBLE GBAANIMI YE BI GBANAỊNGÍMA Ó?

Íin, iyěrikaa kị́ tǎraa tuú bịmẹẹ́nị:

• Ọkpọnanáowei ki ụndụ́ tẹ̌mẹowei. Bible “ụndụ́ sọ̌rọụ” kị́ naá Jehovah, Ọkpọnanáowei tịịnmị. (Psalm 36:9; Acts 17:24, 25) Kị̌mị nị ụndụ́ naá tẹ́mẹ́nimíyemọ sẹ pịrị owei bi gaanbara bị́ kụrẹị́ wạịị́ nị ụndụ́ naá fịd’ọ́ kịmị pịrịngị̌mi.

• Bụ̌ọdọ ifie bi Ọkpọnanáowei kị̌mịama mịẹ fị duó waịị́ serií bọ̌dọ. Nǐngina ǐfie ghọ kǐmịama—ọsị̌yaị, ụwǎdọ, owěi mǎnị eré—nị bei kíriogbo bọghọ waịị́ mịẹ bo ni ụndụ́ nǎnaotu Bible mọ́ mị̌ẹ naá wó nimimọ́nimí. Dụaot’ú fịtimí ni alá ghá, ịndaá kẹnịbọ́ dụ̌wẹịogugu ghọ́ tǐmi nǐa děin ki baịmị!—John 11:39-44.

• Ọkpọnanáowei má barií mịẹngị́yọ dị́sẹ́ kụromọnimí. Fị ábị ye bi Jehovah pịrị dị̌sẹ ghá kụrọmọnimí; Erí wo áki díók’owei ki diimọ́nimí. (1 Corinthians 15:26) Erí bịsá díok’owei bi dẹngịmọngịyẹ bọghọ “dị̌sẹyọ” nánákụrọmọnimí, fị duọ́ waịị́ serií bó ye naá fị mịẹ́ famọụngǐmi. Erí kị̌mịama nị wo tịbịbíri bọghọ emiotumọ waịmọ bóngíyọ dị́sẹ́kụrọmọnimí mǎnị ọmịní waịị́ bó kíríogbo bọghọ ụndụ́ nǎnabara ẹ̌rịngimi.—Job 14:14, 15.