TOLUMỌYE 56
Itu Mọ Kẹnị Sụọmọtimi
Omịnị wó bịnaotubomọ gbeleitimi yetolumọ mịnị ifiesẹ, Pẹrẹowei David nana pọwẹị kị wó kpọ mọ nana mịnị. David gbaamị: “Bịnaotubo mọ kẹnịsụọmọ dọọ timi inyenrin mịnị yọmị ịmbẹlẹbụọmị!” (Psalm 133:1) Wósẹ laa angọtụa mị dọọ mịẹ paamọ a paa emi.
1. Ọkpọnanaowei kịmịbo te ebi inyenrinbụọ kị nana wẹrị emi a o?
Ị́mịnị zịnị ibe ka yetolumọyọ a mú wẹrị, bẹẹlị kị naagha kpọ, bịnaotubo ị́ kẹrị akị mịnị bara mị ị́ mịẹ bolouịmbẹlẹ nana mịnị. Ị́mịnị igeni kịmị bara paagha fa. Tetuu a? Tuubi, akpọyọrẹị bọọ emi Jehovah Iseriotubosẹ, Bible mọ má kpékẹnị Bible duo gẹẹ wẹrị emi fun-ama kị tolumọ mịnị. Omịnị mọkpọ angọtụa wẹrị zọzọ tarị emi bara mịẹdịa mịnị. Wó emi yọsẹ, kịmịsẹ “Jehovah ẹrẹ kị tịịn wẹrị kẹnịsụọmọ ụ karị mịnị.”—Zephaniah 3:9, footnote.
2. Ị́ kpọ tebara ka kị kẹnịsụọmọ yọ mịẹpaamọ mịnị a o?
“Adụdụ duo zọzọ tarị.” (1 Peter 1:22) Ị́mịnị tebara ka kị, mị gbaaye kọn iné ụndụ bọọ tụa inyerin mịnị a o? Zịnịotu mịẹkiri mịnị yebo dii kụmọ. Anị ebi inyerinbụọbo kị dii. Angọtụa dá ị́ mọ mọ́ kẹnị ibe duo boemi kịmịama bẹtịbị mọ naịn kụmọ, ebibara zịnị ibe duo boemi bịnaotu mọ kpọ nimi. Omịnị angọtụa dá zịnị ibe duo bo otu dii seimọ inyenrinbụọ kọn wó angọ duo seri siin.—1 Peter 2:17 goo.a
3. Ị́mịnị zịnị bịna kịmị mọ zọzọ naaghaye emi aba, teeki ị́ mọ mịẹ a paaemi a o?
Omịnị kẹnịsụọmọ emi kị gbaa kpọ, omịnị yalịyalịgha kịmịama. Anị duonị omịnị zụa ifieama ye mịẹ zọzọ dọọnmọ mịnị. Anị duoni, omịnị “ifiemọsẹ . . . zọzọ bụọmọ,” “Jehovah fomuun bara kọn ị́ bụọmọ mịnị duonị, ị́mịnị kpọ bịsẹ bara kị mịẹ” kị Bible mọ gbaa wẹrị emi. (Colossians 3:13 goo.) Omịnị biin ifieama ye mịẹ Jehovah dọọnmọ mịnị, bịsẹ bara kị paa kpọ Jehovah wó bụọmọ mịnị. Anị duonị, omịnị wó bịnaotubo bụọmọ kị Jehovah mọ dọụwẹrị emi. Ị́mịnị ye mịẹ kịmị dọọnmọ dẹ bara nimi daba, kpa mú ụbọ laa dá, zọzọ naayọ mịẹ paamọ.—Matthew 5:23, 24 goo.b
EBIBARA TUUDỌỤ
Ị́mịnị kpọ laa baratụa itu pịrị kẹnịsụọmọ wẹrị, dọọ mịẹpaamọ mụ bara kẹrị iroro.
Ị́mịnị tebara ka kị dọọ mịẹpaamọ mịnị a o?
4. Zịnịotu diiseimọ inyenrinbụọ dẹịnmọ
Omịnị wó bịnaotubosẹ kị tarị dọụmịnị kpọ, zịnị ibe duo boemi bịnaotu tarị mọ yọmị kụrọ akị wó pịrị a paa emi. Teeki baratụa ị́ pịrị a paa emi a? Acts 10:34, 35 goo dá, bei biibịbịbo kẹrị ẹrẹtei:
Jehovah, wo Iserikịmị a paa dọụmịnị otubọsẹ kẹrị akị mịnị. Ị́mịnị kpọ tebara ka kị Jehovah zịnịotu diimọ wẹrị emi bara bị akị a diimọ wẹrị a kẹrị akị a paa emi a o?
Te zịnịotu diiseimọ inyenrinbụọama kị iné emi yọma paa mịnị nị ị́mịnị mịẹmọ agbẹịgha o?
Wẹrị 2 Corinthians 6:11-13 goo dá, bei biibịbị kẹrị ẹrẹtei:
Ị́mịnị teeki mịẹ dẹkị laa wó bịnaotubosẹ tarị kụrọmọ a paa emi o?
5. Peree bara zọzọ bụọmọ bá dọọ mịẹpaamọ
Jehovah wó bara bụọmọye dọụgha fa kị gbaa kpọ, omịnị peree bara ka kị wó bụọmọ mịnị. Psalm 86:5 goo dá, bei biibịbịmọ kẹrị ẹrẹtei:
Jehovah duo bomịnị bụọmọ yebị dụba tebara kị laa emi a o?
Tetuu kị duonị Jehovah akị wó bụọmọ mịnị bara bị iné tọrụ kẹrị ma?
Te ifieama kị kịmịotu mọ dọọ inyenrin gbeleimụ yọmị kụrọ wó pịrị a paa emi a o?
Omịnị tebara ka kị Jehovah diimịẹ wẹrị ifiemọsẹ wó bịnaotubo mọ, kẹnịsụọmọ inyenrin a paa emi a? Proverbs 19:11 goo dá, bei biibịbị kẹrị ẹrẹtei:
Kịmị nimigha timi ị́ mịẹ boloukọọn daba, ị́mịnị tebara ka kị dọọ mịẹ paamọ mịnị a o?
Omịnị zụa ifieama kịmị mịẹ birisei mịnị. Bịsẹ bara paa daba omịnị teye kị mịẹ agbẹị emi a o? VIDIO farị dá, bei biibịbịmọ kẹrị ẹrẹtei.
Vidio bolou bị, bịna-araụma tebara ka kị dọọ mịẹ ma o?
6. Wó bịnaotu ebi inyerinbụọbo kị diitụa
Omịnị wó bịnaotubo mọ naịn daba, anị ebi inyerinbụọbo mọ bá, anị suusụọmịnị yọbọ kpọ nimi mịnị. Omịnị tebara ka kị tọrụtụa wó bịnaotu ebi inyerinbụọbo kị dii a paa emi a o? VIDIO farị dá, biibịbị kẹrị ẹrẹtei.
Teeki baratụa ị́ pịrị wẹrị wó bịnaotumọ ebi inyerinbụọbo kị diitụa a paa emi a o?
Jehovah tọrụtụa wó ebi inyerinbụọbo bẹtịbị kị dii mịnị. Wẹrị 2 Chronicles 16:9a goo dá, biibịbị kẹrị ẹrẹtei:
Jehovah wó ebi inyerinbụọbo kị diitụa mịnị bara ị́ mọ nimi yọmị, tebara ka kị ị́ gbele ma o?
Ebi diamond kpọ ebisingha, anịa mọkpọ yelaa emi. Wó bịnaotubo kpọ bịsẹ bara k’emi, ámịnị tẹịgha kịmịama, anịa mọkpọ Jehovah tọrụyọ bọọ yelaa emi
ZỤA KỊMỊAMA GBAA MỊNỊ: “Kịmị bo bụọmọye biigha sẹ, ịmịnị ụbọ bụọmọgha fa.”
Tetuu kị duonị, ị́mịnị ifiemọsẹ zịnịotu bụọmọ agbẹị emi a o?
KỊLỌỌBARA
Ị́mịnị iné bịnaotu mịẹkiri yebo kọn a bụọmọ bá a tarị mịnị ifiesẹ, itu bọọ kẹnịsụọmọyọ mịẹpaamọ mịnị.
Waị diitụa
Ị́mịnị tebara ka kị zịnịotu diiseimọ inyenrinbụọ dẹịnmọ mịnị a o?
Ị́ mọ zịnị bịnakịmị mọ zọzọ naaghaye emi aba, ị́mịnị teekị mịẹ agbẹị emi a?
Tetuu kị duonị ị́mịnị Jehovah kịmị bụọmọ mịnị bara mị diimịẹ agbẹị emi a o?
DIITỤA
Jesus gbaa tọnmọdịaye laa baratụa wó pịrị wẹrị ụgụlapẹlẹ zịnị kịmị pịrịgha fa bara tolumọ.
Omịnị ye mịẹkirigha kpọ, kịmị tẹẹ agbẹị emi a?
“Apologizing—A Key to Making Peace” (The Watchtower, November 1, 2002)
Zụa kịmịama ebibara akikịmị paabosẹ mọ inyenrinmú agbẹịemi bara mị dọụ ẹrịmị. Wẹrị dii.
Ị́ mọ kịmị mọ zọzọ naaghaye paa daba, bei zọzọ naaghaye kẹrị tịẹmọ dá, itu bọọ dọọ mịẹpaamọ mụ bara dii.
“Settle Differences in a Spirit of Love” (The Watchtower, May 2016)