Angọtụa

Jesus Mịẹye Mị

VIDIO: Jesus Nicodemus Tolumọ Mị

1. VIDIO dii, anịghakpọ John 3:​1, 2 goo dá, mị biibịbịbo kẹrị iroro:

1. Tetuu kị duonị Nicodemus, dein ka mú Jesus laa ma o?—John 12:​42, 43 dii.

2. Jesus dein bọọ Nicodemus mọ ẹrẹtei yọbị, tebara ka kị ómịnị angọtụa wẹrị tuuduo-otu dọụ fịrị wẹnịtimi bara mịẹdịa ma o?

Jeus Mịẹye Mị Te Ka Kị Wó Tolumọ Ma O?

2. Omịnị baratụa kịmịotu pịrịwẹrị bo Christtuuduo-otu a paamịnị yọmị, a tarị wẹrịemi bara kị mịẹdịamịnị.

Jesus Dimịẹ

3. Ebi akị ị́ mọmọ Bible tolumọmịnị ụbọ pịrịmụ ifie, bá ụ dịsẹyọ ka ụbọ mọ tolumọ. Ụbọ bị, wiki bolou bọọ erein mọ, ifie mọ sẹlẹ a paaemi. Wo fịrị yọ, wo warị anịghakpọ kịmịotu emi yọ ụ mọmọ́ tolumọmụ yọmị ụbọ dịsẹ-emi a? Angọtụadá ebi akị ụbọ pịrịmụ ifie ka ụbọ mọ tolumọ.

4. Ifiebosẹ ụbọ mọ tolumọ. Ị́mịnị yọụpaa dọụmịnị kpọ, Bible tolumọye tịẹmọkụmọ. Anịa bei yebo kẹrị iroro:

1. Ị́mịnị wiki bolou bọọ zịnị ifie ụbọ mọ tolumọ a paaemi a?

2. Ị́mịnị phonu anịghakpọ vidio call duo ụbọ mọ tolumọ a paaemi a?

3. Ị́mịnị gbaa zịnị ụbọ pịrịwẹrị ụbọ mọ tolumọ a paaemi a?

5. Tẹẹ Jehovah pịrịdá baratụa ị́ pịrị. Ị́ mọmọ Bible tolumọmịnị ụbọ mị, ifiebosẹ ị́ mọmọ tolumọgha, anịghakpọ tolumọmịnị-yebo akị kịalị tụa inyenringha kpọ, tẹẹ Jehovah pịrịdá baratụa ị́ pịrịwẹrị mọkpọ tolumọ bọlọụ amú. (Phil. 2:13) Ị́ mọmọ́ Bible tolumọmịnị ụbọ bị ebi inyenrinbụọama nana wẹrịemi, anịduonị tẹẹ Jehovah pịrịdá baratụa ị́ pịrịwẹrị ụbọ nana wẹrịemi ebi inyenrinbụọbo kị diitụa.