Dịẹmọyọ 9 Bọọ Emi Yebo

Bei angabị peibolou akị Jehovah a tụa wẹrịemi bara mịẹdịa asịyaịpesi-otu, bụrụ-otu bá pẹrẹama mọ egberi kị gbaa wẹrịemi. Israel duo paaemi kala ịyọrọ tọbọụ Syria a timi mị. Bịsẹ kala ịyọrọ tọbọụma Jehovah bụrụ-owei, laa Naaman angọ zụọkụrọmọ mụ peibolou nanawẹrịmị. Bụrụ-owei Elisha kpọ, Jehovah wó egiren-otu bara duo ụ zụọbụọmọ mụ eti nanamị. Tịbị Ịkịankụn-owei Jehoiada kpọ, wó ụndụbị akị akpotu a tụawẹrị, Jehoash opu-yin Athaliah bara duo Jehoash zụọbụọmọmị. Jehovah Jerusalem zụọbụọmọ mụ eti Pẹrẹ Hezekiah mọ nanawẹrị duonị, Assyria-otubo ánị esisimọ kpọ ómịnị malafagha. Pẹrẹ Josiah ibe bọọ ikpe karịbụọ kọnsinwẹrị waị gesii karịbụọ mịẹtịẹmọmị. Bá baratụa akị kịmịbo pịrịwẹrị waị Jehovah karịmị.