Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures” nga impablaak ti Watchtower Bible and Tract Society of New York, Inc.)

1. Buyogen iti ania nga imbaga ni Jesus iti Samaritana a masapul iti wagas ti panagdayaw iti Dios? (Juan 4:24)

2. Tapno maanduranda ti pammarigat ken panangidadanes, ania ti ipaay ti Dios kadagiti matalek nga adipenna? (2 Corinto 4:7-10)

3. Asino ti inaudian nga anak a lalaki ni Ukom Gedeon, ti kakaisuna kadagiti 70 nga annak a lallaki a nakaliklik iti panangpatay ti kabsatna iti ama a ni Abimelec? (Oc-ocom 9:5)

4. Ania ti naipanagan iti maika-50 a tawen kalpasan a simrek ti Israel iti Naikari a Daga, idi a maiwaragawag ti wayawaya iti intero a daga? (Levitico 25:10)

5. Manipud iti ania a bassit a pagarian ti nangtangdanan dagiti annak a lallaki ni Ammon iti 12,000 a mannakigubat a lallaki a mangdarup ken David? (2 Samuel 10:6)

6. Ania ti nakita ni Ari Nabucodonosor ti Babilonia iti tagtagainepna iti maikadua a tawen ti panagarina a nakaburiboranna unay? (Daniel 2:1, 31)

7. Ania ti pinisang ni Samson babaen kadagiti mismo nga imana iti immuna a naisurat a pannakaisalaysay ti panangusarna iti inted-Dios a bilegna? (Oc-ocom 14:5, 6)

8. Ania nga animal ti nasarakan ni Abraham a naisalat dagiti sarana iti kasamekan ken indatonna a sandi ni Isaac? (Genesis 22:13)

9. Ania ti inaramid ni Ari Saul a nangsalungasinganna iti bilin ni Jehova iti gubat a maibusor kadagiti Amalekita? (1 Samuel 15:3-9)

10. Kalpasan ti pannakaidestiero idiay Babilonia, ania ti naipanagan iti Etanim, ti umuna a bulan iti sekular a kalendario dagiti Judio?

11. Nakasarakan dagiti dadakkel ni Jesus iti 12 ti tawenna a baritoda kalpasan ti tallo nga aldaw a panangbirokda kenkuana? (Lucas 2:46)

12. Asino ti naibaga iti padto nga agrag-o iti naballigi nga iseserrek ni Jesus a nakasakay iti urbon ti asna? (Zacarias 9:9)

13. Apay a nangted ni Jesus iti pammagbaga nga agurnongtayo iti “gameng idiay langit”? (Mateo 6:20)

14. Ania ti inaramid ni Jehova tapno iyebkasna ti ungetna ken Solomon idi nagdaton kadagiti didiosen idi lakayen? (1 Ar-ari 11:14, 23-26)

15. Ania ti ibalakad kadatayo dagiti Kasuratan a kangrunaan a saluadantayo? (Proverbio 4:23)

16. Ania ti inaramid ni Ari Joakim idi a naibasa kenkuana ti lukot a nakaisuratan ti sasao ni Jehova a maibusor iti Israel? (Jeremias 36:23)

17. Ania ti impagarup ni Jacob a nangpapatay iti anakna a ni Jose? (Genesis 37:33)

18. Nanipud idi un-unana, ania a siudad ti naammuan kas “ti ili a kapalmaan”? (Deuteronomio 34:3)

Dagiti Sungbat iti Pannubok

1. “Espiritu ken kinapudno”

2. “Pannakabalin a nalablabes ngem ti gagangay”

3. Joatam

4. Jubileo

5. Istob

6. Dakkel a ladawan a kalanglanga ti tao ken buklen iti nadumaduma a metal ti paspaset ti bagina

7. Bumaro a leon

8. Kalakian a karnero

9. Insalakanna ti arida a ni Agag, agraman dagiti kasayaatan nga arban ken pangen

10. Tisri

11. Idiay templo

12. Ti “babai nga anak ti Sion”

13. Dagiti material a gameng ket mapukaw ken awan kaes-eskanda iti Dios

14. Imbabawina ti pammendisionna ken nangpatanor kadagiti manangsupiat ken Solomon

15. Ti piguratibo a puso

16. Pinirsayna sana impuruak iti apuy

17. ‘Inalun-on ti dakes nga animal’

18. Jerico