ACSA

[Pulseras ti Palaypalay; Pulseras ti Saka].

Ti anak a babai ti taga Juda a managsimisim a ni Caleb nga intukonna a mayasawa kas gunggona iti asinoman a makakautibo iti salindeg ti Debir iti kaal-ala a teritoria ti Juda. Kinautibo dayta ti kaanakan ni Caleb a ni Otniel, a nalawag a nagbalin a kaunaan nga ukom kalpasan ni Josue (Uk 3:9, 10), ket inasawana ti kasinsinna a ni Acsa kas gunggona.​—Kitaenyo ti OTNIEL.

Idi mapanen ni Acsa iti baro a pagtaenganna, nagkiddaw ket immawat ken amana iti kanayonan a kasayaatan a sagut, maysa a benneg nga ayan ti Makinngato ken Makimbaba a Gulot. (Jos 15:15-19; Uk 1:12-15) Mabalin a ni Acsa ti ina ni Hatat.​—1Cr 4:13.