ACSAF

[Disso a Pakaar-aramidan ti Panagkulam].

Maysa a naarian a siudad ti Canaan. Ti ari iti daytoy a siudad impangagna ti awis ni Jabin nga ari ti Hasor, ket timmipon iti pakarso ti ar-ari nga adda iti dandanum ti Merom tapno makirupakda iti Israel. (Jos 11:1, 5) Isu napapatay iti bakal a napasamak. (Jos 12:7, 20) Ti siudad ti Acsaf nairaman idi agangay iti teritoria a naituding kas tawid ti tribu ni Aser.​—Jos 19:25.

Kunaen ti sumagmamano nga eskolar a ti Acsaf ket isu ti Tell Kisan (Tel Kison), maysa a lugar nga agarup 10 km (6 mi) iti abagatan a daya ti Acco (Acre). Nupay kasta, adda dagiti mangibaga nga isu ti Khirbet el-Harbaj (Tel Regev) nga agarup 11 km (7 mi) iti abagatan a daya ti Haifa.