HET

Ti maikadua a nailista nga anak ni Canaan ken apoko ni Noe iti tumeng babaen ken Ham. (Ge 10:1, 6, 15; 1Cr 1:13) Ni Het ket inapo nga ama dagiti Heteo (1Ar 10:29; 2Ar 7:6; kitaenyo ti HETEO, DAGITI), a ti maysa a sangada ket nagyan iti katurturodan ti Juda. (Ex 3:8) Iti kaparanget ti Hebron, ginatang ni Abraham manipud ken Efron a Heteo ti talon ti Macpela ken ti rukib nga adda iti dayta, kas lugar a pagitabonan. (Ge 23:2-20; 25:8-10; 49:32) Kadagiti 14 a panagparang ti nagan a Het, 10 a daras nga agparang dayta mainaig iti “annak ni Het.” Dua kadagiti assawa ni Esau ti naggapu iti “annak a babbai ni Het” (maawaganda met iti “annak a babbai ti Canaan”), a dagitoy nga assawa gubuayan idi ti panagladingit dagiti nagannakna.​—Ge 26:34, 35; 27:46; 28:1, 6-8.