ZAANANNIM

Ti “dakkel a kayo idiay Zaanannim” ket nabatad a maysa a lugar iti makin-abagatan a beddeng ti teritoria ti tribu ni Neftali. (Jos 19:32, 33) Napapatay ni Sisera iti tolda ni Jael, ti asawa ni Heber a Keneo, “iti asideg ti dakkel a kayo idiay Zaanannim, nga adda idiay [“iti sibay ti” (JP) wenno “iti asideg ti” (AT, RS)] Kedes,” nalabit ti Kedes iti abagatan a daya ti Megiddo iti Isacar. (Uk 4:11, 17, 21; 5:19) Nupay kasta, saan pay laeng a masinunuo ti aktual nga ayan ti Zaanannim.