Gimong a Mangtulong Kadatayo nga Agaramid Adalan
LAWAS TI ABRIL 8-14
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Maituyang iti urnos ti tay-ak iti serbisio a maipaay ti lawas. Maited dagiti lawag ti Abril 1 ken 8 a magasina a mabalin a mausar iti panagmagasina.
20 min: “Panagtultuloy iti Awan Sardayna a Panangisuro.” Saludsod ken sungbat. Kalpasan ti panangusig iti parapo 2, paidemostra iti maysa nga eksperiensiado a payunir wenno agibumbunannag no kasano a maitukon ti suskripsion iti maysa a tao a nangipakita ti napudno nga interes iti damag ti Pagarian. Kalpasan ti parapo 3 ken 4, pausig iti dua nga agibumbunannag no kasanoda a maiyaplikar dagitoy a singasing iti Abril.
15 min: “Panangiparang ti Naimbag a Damag—Babaen Dagiti Magasina.” Saludsod ken sungbat a diskusion. No mausig iti parapo 8, maidemostra no kasano a maipasdek iti rota ti magasina iti maysa a tao a nangipakita ti napudno nga interes, a mailawlawag iti artikulo ti magasina a paginteresan iti lokal.
Kanta 122 ken pangserra a kararag.
LAWAS TI ABRIL 15-21
10 min: Lokal nga anunsio. Report iti kuenta. Mairaman iti subalit ti donasion. Mapalagipan dagiti amin a kaguduan ti Abril, gapuna a siasinoman nga agkasapulan iti tulong a rummuar sakbay ti Abril 30 isudat’ masapul a maipaayanen.
20 min: “Panagprogreso iti Ministerio.” Diskusion iti nagbaetan ti maysa nga eksperiensiado a panglakayen ken iti maysa a kabsat a mangala ti papel iti maysa a nabayagen iti kinapudno ngem saan a naprogreso. Paidemostra kadakuada iti ababa a sesion ti panaginsayo kas nadakamat iti parapo 3. No malawlawagan iti parapo 4, maysa a payunir ti mangipakita iti saan pay unay a nasanay nga agibumbunannag no kasano a masaranget ti maysa a kasasaad a masansan a masabet iti lokal a teritoria. Mairaman dagiti singasing a masarakan iti Agosto 1, 1985 a Watchtower, pinanid 15-20, maipapan ti panangdanon iti puspuso.
15 min: “Panangidayaw ken Jehova iti Kanta.” Makaparegta a palawag iti artikulo. Mausar dagiti kanta iti programa ti aldaw a kas ilustrasion kadagiti puntos iti artikulo.
Kanta 104 ken pangserra a kararag.
LAWAS TI ABRIL 22-28
10 min: Lokal nga anunsio. Teokratiko a Damdamag. Madakamat dagiti urnos ti serbisio ken mapagsaritaan iti lawag dagiti agdama a magasina. Mabalin a maisarita dagiti kapadasan iti panangipresenta ti suskripsion. Maparegta dagiti amin nga auxiliary payunir a mangsiguro a maragpatda iti 60-oras a kalatda, nga usigenda nga itultuloyda agingga iti Mayo no mabalin.
20 min: “Panagapit a Maiyataday iti Bukodtayo a Panagregget.” Saludsod ken sungbat a panangusig iti insert Ti Ministeriotayo iti Pagarian, parapo 1 aginggat’ 8. Maigunamgunam ti pateg iti panangalagad no ania ti naadal.
15 min: Ti Gunggona iti Regular a Panagadal ti Pamilia. Palawag. Iti adun a tawtawen impaganetget ti organisasion ni Jehova kadagiti ulo ti pamilia nga idauloda ti regular a panagadal iti Biblia kadagiti miembro ti pamiliada. Kadagidiay nangaramid iti daytoy, pudno a nawadwad iti nagunggonada. Nangted kadakuada iti espiritu ti ayat ken talna iti uneg ti pamilia. Nagprogreso dagiti annak iti dedikasion ken bautismo, nangted iti positibo nga impluensia iti kongregasion, ken adu kadakuada ti simrek iti amin a tiempo a serbisio. Mainterbio ti maysa nga ulo iti pamilia kas naimbag a pagulidanan iti daytoy, a maibinsabinsa dagiti gunggona a naapitda babaen ti panangsurotda iti balakad ni Jehova iti daytoy a banag.
Kanta 221 ken pangserra a kararag.
LAWAS TI ABRIL 29–MAYO 5
10 min: Lokal nga anunsio. Maipalagip met iti amin Dagiti Pakaammo idiay panid 7 maipapan iti pannangted ti report iti Abril a madagdagus no agngudo ti bulan.
20 min: “Panagapit a Maiyataday iti Bukodtayo a Panagregget.” Saludsod ken sungbat a panangusig iti insert Ti Ministeriotayo iti Pagarian, parapo 9 aginggat’ 16. Mabasa amin dagiti parapo ken dagiti naisitar a kasuratan. Maiyaplikar iti lokal a kasasaad, a maigunamgunam a kada maysa ket agapit iti nawadwad kas maitunos iti bukod a panagregget a nangannurot iti naited a balakad.
15 min: Agsaganakayo iti Epektibo nga Introduksion. Tulongan ti maysa a panglakayen nga epektibo iti ministerio ti maysa nga agibumbunannag nga agsagana iti introduksion a maitutop iti lokal a teritoria. Maibasar dagiti singasing iti pinanid 9-15 iti Panakirinnason a libro. Malawagan dagiti dua wenno tallo nga introduksion a mabalin a mausar a maisinggalut iti agdama a Topiko a Pagsasaritaan wenno iti aniaman a naintiempuan a suheto. Paidemostra iti maysa nga eksperiensiado nga agibumbunannag iti dua a panagbalaybalay a presentasion a mausar ti Topiko, “Pagarian iti Dios—Ti Namnama iti Sangatauan.” Maiparegta ti panangusar iti nagduduma a presko nga introduksion imbes nga usaren iti isu met laeng nga isu. Makatulong dagiti sesion ti panaginsayo iti sakbay ti panagruar idiay tay-ak tapno makabisado a naimbag dagitoy iti panunot.
Kanta 126 ken pangserra a kararag.