Gimong ti Serbisio iti Nobiembre
Lawas ti Nobiembre 11-17
10 min: Lokal nga anunsio ken maitutop a Dagiti Pakaammo manipud Ti Ministeriotayo iti Pagarian.
20 min: “Panangitalek iti Sao ti Dios.” Saludsod ken sungbat. No malawagan ti parapo 3 ken 4, paidemostra iti makabael nga agibumbunannag ti Topiko a Pagsasaritaan, a mausar dagiti mapagsaritaan a puntos manipud Sao ti Dios a libro kas naisingasing iti parapo 5.
15 min: Ti Pateg iti New World Translation Reference Bible. Diskusion. Usigen ti maysa a panglakayen agraman dua wenno tallo nga agibumbunannag iti pateg ti Reference Bible isuda a nasayaat ti panangusarda iti daytoy. Mausig ti sasao iti New World Bible Translation Committee iti panid 5. Mailawlawag iti pateg dagiti makinbaba a nota, agsasanga a reperensia, dua a konkordansia, ken apendise. Mapagsaritaan dagiti puntos a mausar no itukon ti Biblia iti daytoy a bulan.
Kanta 46 ken pangserra a kararag.
Lawas ti Nobiembre 18-24
10 min: Lokal nga anunsio, Teokratiko a Damdamag, report iti kuenta, ken subalit ti donasion.
12 min: “Naimpusuankayo Koma iti Tay-ak ti Ministerio—Paset 4.” Palawag. Maparegta dagiti ulo ti pamilia a tulonganda iti sangakabalayanda tapno agbalinda nga organisado ken mangituyangda ti maiparbeng a kalatda iti serbisio
13 min: “Panangiparang ti Naimbag a Damag—Babaen ti Panangusar Kadagiti Publikasion a Nainsiriban.” Saludsod ken sungbat. Maiyaplikar ti impormasion iti lokal.
10 min: “Apay a Makawesankay iti Kinapakumbaba?” Palawag a naibasar iti artikulo ti Hulio 15, 1991, a Pagwanawanan, pinanid 27-30.
Kanta 92 ken pangserra a kararag.
Lawas ti Nob. 25-Dis. 1
5 min: Lokal nga anunsio.
12 min: Pateg ti School and Jehovah’s Witnesses a broshur. Palawag, no mabalin babaen iti maysa nga ama a panglakayen. Maibinsabinsa iti pateg ti broshur tapno maiyammo iti autoridad ti pagadalan maipapan iti patpatien dagiti Saksi ni Jehova ken tulongan nga agpadpada dagiti Kristiano a nagannak ken annak maipapan kadagiti aktibidad ti pagadalan. Ti naimaldit nga impormasion ti masapul a mairepaso iti sagpaminsan kadagiti agtutubo. No tumaud dagiti problema ken saludsod, maagapad a kanayon ti broshur a maipaay iti direksion. Maiyawis ti asikaso iti masnup nga impormasion a naiwayat iti baba ti “Sound Moral Principles” ken “Holidays and Celebrations.” (Pinanid 9-11, 17-21) Iti konklusion, mailawlawag ti panagkasapulan dagiti nagannak iti kaadda ti interesda iti panagadal dagiti annakda ken makidanggayda iti administrasion ti pagadalan.—Pinanid 30-1.
20 min: Panangsarak ken Panangisuro Kadagidiay a Maikari. Palawag ken interbio. Mailawlawag ti Mateo 10:11. Ti panangdanon kadagiti tattao iti taengda isut’ maysa a problema ken mabalin nga apektado iti kinabunga ken rag-otayo. Ania ti maaramidan? Asitganyo dagiti tattao idiay arubayanda. Irekordyo dagidiay saanyo a madandanon ken dikay a bayagen a sarungkaran. Addaan iti ekselente a balligi dagiti dadduma a mangsarak kadagitoy a tattao idiay balayda iti rumabii, gapuna a makipasetkayo iti panangasaba ti rabii. Epektibo met ti panangasaba kadagiti kalsada. No masabetyo dagiti interesado a tattao idiay kalsada, alaenyo ti nagan ken direksionda. Aramidenyo ti urnos a sarungkaranyo ida idiay pagtaenganda. (Mainterbio ti apagbiit dagiti dua wenno tallo nga agibumbunannag ken/wenno payunir nga addaan iti naballigi a rabii wenno panangasaba iti kalsada.) Masapul a tungpalen iti bilin ni Jesus a sapulen ken pakanen dagiti karnerona. (Juan 21:15-17) Daytoy ti tumulong kadatayo a mangipateg iti kasapulan a panangdanon kadagiti agnanaed iti kada pagtaengan no mabalin.
8 min: Panangusig iti “Saludsod.” Palawag. Maiyanunsio iti lokal nga urnos ti serbisio a mangrugi iti Disiembre 1 tapno amin ket makipaset a nasapa iti daytoy a bulan.
Kanta 183 ken pangserra a kararag.
Lawas ti Disiembre 2-8
10 min: Lokal nga anunsio. Madakamat iti ababa dagiti mapagsaritaan a puntos manipud kadagiti magasina a mabalin a mausar iti panangasaba bayat daytoy a lawas.
20 min: “Urnos iti Panagadal ti Libro iti Kongregasion—Paset 4.” Saludsod ken sungbat. Mailawlawag ti panagkasapulan iti amin ti personal nga interes iti tunggal maysa idiay grupo ti panagadal iti libro.
15 min: Pannakagunggona Manipud iti Estoria ti Biag Dagiti Saksi ni Jehova. Diskusion dagiti dua a kakabsat a lallaki. Sagpaminsan, ti estoria iti biag dagiti moderno nga ad-adipen ti Dios isudat’ agparang iti Ti Pagwanawanan ken Agriingkayo! Nailanad dagitoy idiay Watch Tower Publications Index babaen iti nagan ken titulo ti artikulo. (Mailadawan no kasano a masarakan iti masinnunuo nga artikulo.) Nasken unay a siaannad a basaen dagitoy nga artikulo ken gun-oden iti pammabileg ken pammaregta manipud kadakuada. Usaren ti impormasion a pangparegta kadagiti kakabsat ken estudiantetayo iti Biblia. Repasuen ti apagbiit iti artikulo nga “Anian a Rag-o ti Agtugaw iti Lamisaan ni Jehova!” manipud Ti Pagwanawanan, Agosto 1, 1991, pinanid 25-9. Mailawlawag dagiti nabatad a puntos manipud iti artikulo a tumulong kadatayo (a) idiay tay-ak ti ministerio, (b) nga agibtor iti suot, (k) a lalo pay mangipateg ken Jehova ken ti organisasionna, ken (d) mangipateg iti sangalubongan a panagkakabsat. Magunggonaantayo iti dakkel manipud “panangtulad kadagidiay a babaen iti pammati ken panaganus tawidenda dagiti karkari.”—Heb. 6:11, 12.
Kanta 18 ken pangserra a kararag.