Gimong ti Serbisio iti Disiembre
Nota: Daytoy Ti Ministeriotayo iti Pagarian iyiskediolna iti Gimong ti Serbisio iti kada lawas ti Disiembre ken Enero. Aramiden dagiti kongregasion ti kasapulan a panangihusto tapno mailugaran iti itatabuno ti maysa a kombension iti distrito. Maysa a 30-minutos a repaso dagiti lawag ti programa iti naiyurnos bayat ti lawas iti Disiembre 30-Enero 5. Dagidiay agkombension iti daytoy a lawas ti agrepaso iti sumaruno a lawas. Ti repaso iti kada aldaw isut’ maidutok a nasakbay iti dua wenno tallo a makabael a kakabsat a lallaki a makairuar kadagiti panulbek a puntos.
Lawas ti Disiembre 9-15
10 min: Lokal nga anunsio ken Dagiti Pakaammo manipud Ti Ministeriotayo iti Pagarian.
20 min: “Alagadenyo ti Nadiosan a Debosion a kas ken Kristo.” Saludsod ken sungbat a panangkobre iti artikulo. Kalpasan a malawagan ti parapo 5, idemostra no kasano a maitukon iti Estoria ti Biblia a libro babaen iti Topiko a Pagsasaritaan. Kiddawen iti amin nga agplanoda a siaannad tapno aktiboda ti serbisio iti Disiembre.
15 min: “Panangsuportar iti Programa a Panagbangon ti Kingdom Hall.” Diskusion a kadua dagiti dumdumngeg iti parapo 1-7 ti insert. Maigunamgunam ti panagkasapulan dagiti amin a kongregasion a mangted ti suportar iti pundo ti Kingdom Hall.
Kanta 213 ken pangserra a kararag.
Lawas ti Disiembre 16-22
10 min: Lokal nga anunsio, report iti kuenta. Maiyanunsio iti urnos ti serbisio iti Disiembre 25.
17 min: “Panangiparang ti Naimbag a Damag—Kadagiti Nangina nga Aldaw.” Saludsod ken sungbat a panangkobre. Paidemostra iti maysa a nasanay nga agibumbunannag no kasano ti isusungbat kadagiti kablaaw iti nangina nga aldaw ken maipakita ti konsiderasion kadagidiay kupado a tattao.
18 min: “Panangsuportar iti Programa a Panagbangon ti Kingdom Hall.” Diskusion a kadua dagiti timmabuno iti parapo 8-18 ti insert.
Kanta 167 ken pangserra a kararag.
Lawas ti Disiembre 23-29
10 min: Lokal nga anunsio. Maiparegta iti auxiliary payunir a serbisio iti Enero.
20 min: “Urnos iti Panagadal ti Libro iti Kongregasion—Paset 5.” Saludsod ken sungbat a diskusion nga idaulo ti manangaywan iti serbisio.
15 min: Lokal a kasapulan wenno “Report Dagiti Manangiwaragawag ti Pagarian.” Palawag. Maadaw dagiti kapadasan iti daytoy a benneg idiay Ti Pagwanawanan a mangipakita iti nabileg nga epekto ti Biblia iti biag dagiti tattao. Mairaman dagiti report idiay Abril 1, 1991, ken Agosto 1, 1991, a ruar.
Kanta 75 ken pangserra a kararag.
Lawas ti Dis. 30-Ene. 5
5 min: Lokal nga anunsio.
10 min: Tukon a literatura iti Enero. Lawagan ti ababa ken idemostra iti tukon a daan a publikasion kas nailanad idiay Dagiti Pakaammo. Mabalin a mausar daytoy baro a Topiko a Pagsasaritaan, “Sangalubongan a Talna, Asideg Kadin?” Dagiti kasuratan isudat’ Lucas 21:10, 11, 16 (Natungpalen a padto ti Biblia) ken Lucas 21:28, 31 (Ti Pagarian ti Dios iyegnanton ti talna).
30 min: Repaso iti “Managayat ti Wayawaya” a Kombension ti Distrito a Programa. Tallo a makabael a kakabsat a lallaki ti mangusar iti sagsangapulo a minutos a panangkobre kadagiti lawag ti kada aldaw iti kombension.
Kanta 59 ken pangserra a kararag.
Lawas ti Enero 6-12
10 min: Lokal nga anunsio. Teokratiko a Damdamag.
20 min: “Naimpusuankayo Koma iti Tay-ak ti Ministerio—Paset 5.” Saludsod ken sungbat a diskusion iti pangngudo nga artikulo ti serye. Kas ipalubos ti tiempo, mairaman iti interbio ti maysa a naregta nga agibumbunannag wenno payunir a makaistoria iti personal a gunggona a sinagrapna manipud naan-anay a pannakiramanna ti ministerio.
15 min: “Panangibaklay iti Bukodtayo nga Awit a Responsabilidad.” Ilawlawag ti maysa a panglakayen daytoy artikulo iti grupo ti maysa a pamilia. Masaludsod no kasano a ti 1991 a programa ket nakatulong iti pamiliada. Maparegta dagiti amin a mangaramidda ti urnos a kanayonda a tumabuno ken magunggonaan ti programa a naiwayat iti daytoy a tawen.
Kanta 205 ken pangserra a kararag.