Gimong ti Serbisio iti Setiembre
Lawas ti Setiembre 7-13
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Lawagan dagiti mapagsaritaan a puntos manipud kadagiti agdama a magasina. Maparegta dagiti amin a makiraman iti tay-ak ti serbisio iti ngudo ti lawas.
20 min: “Epektibo a Panagtrabaho iti Balaybalay.” Saludsod ken sungbat a diskusion. Paregtaen dagiti auxiliary payunir iti Setiembre, ket kiddawen iti dadduma a makitimpuyogda kadakuada iti Oktubre. Dakamaten a dagidiay nagserbi nga auxiliary payunir ket gagangay a masalimetmetanda iti nangato a rukod ti trabaho iti sumaruno a bulbulan ken agbalinda a mas epektibo kadagiti presentasionda.
15 min: “Dagiti Introduksion a Mangpabara iti Interes.” Saludsod ken sungbat a panangusig. Maidemostra dagiti singasing iti parapo 4 a mausar ti broshur a Gobierno ket iti parapo 5 mausar met ti Tagiragsakenyo ti Biag a broshur.
Kanta 155 ken pangserra a kararag.
Lawas ti Setiembre 14-20
10 min: Lokal nga anunsio, agraman report iti kuenta ken pakaammo dagiti donasion. Komendaran ti kongregasion iti pinansial a suportada iti lokal a kongregasion, agraman ti sangalubongan a trabaho iti Sosiedad.
20 min: Panangpatanor ti Interes Kadagiti Panagsarungkar. Diskusion babaen iti manangaywan ti serbisio. Nasarakan dagiti adu ti naragsak a pannakisao kadagiti tattao ken mabatian ida iti literatura. (om p. 87-8) Ti responsabilidadtayo ramanenna iti panangsukay ti interes iti puspuso dagidiay a makasaotayo. Ipresenta iti ababa a demostrasion no kasano a ti tract ket mausar a mangpataud iti interes no masarungkaran ti literatura a naipaima idi damo. Ilawlawag ti maysa wenno dua laeng a puntos. Idatag iti ababa a demostrasion no kasano a ti impormasion a masarakan iti indise idiay Panakirinnason a libro ket mabalin met a mausar. Maigunamgunam ti nabagas ken diretso a puntos a nadakamat iti publikasion a mabalin a mausar a pangpatanor ti interes iti Biblia. Ipakita no kasano a maiyurnos dagiti mainayon a sarungkar.
15 min: “Babilonia a Dakkel.” Diskusion iti Panakirinnason a libro, pinanid 51-55. Demostrasion: Ilawlawag ti maysa nga agibumbunannag iti estudiante ti Biblia iti panagrang-ayna. Igunamgunamna nga isut’ matmatan ni Jehova a kas nasantuan, a maikari iti tulong ken bendisionna. (1 Ped. 1:15, 16) Maipaganetget iti pateg ti ipapanaw iti Babilonia ken tumimpuyog iti nasantuan nga organisasion ni Jehova. Ingudo ti tserman babaen iti pammaregta kadagiti kakabsat nga usarenda dagiti publikasion a mangiturong kadagiti estudiante iti organisasion ken gundawayanda ti tulong nga itukon dagiti panglakayen kadakuada.
Kanta 129 ken pangserra a kararag.
Lawas ti Setiembre 21-27
10 min: Lokal nga anunsio. Teokratiko a Damdamag. Maiparegta ti pannakipaset iti ngudo ti lawas nga aktibidad iti tay-ak, a madakamat dagiti kangrunaan a mapagsaritaan a puntos kadagiti kaudian a magasina a mausar a pangtukay ti interes iti daytoy ngudo ti lawas.
20 min: “Panangusar iti ‘Adtoy!’ a Broshur iti Panagsarungkar.” Lawagan iti apagbiit dagiti puntos idiay umuna a dua a parapo. Kalpasanna maidemostra iti dua a panagsarungkar a mausar dagiti naited a singasing idiay parapo 3 ken 5, a tunggal maysa kadagitoy ket maiturong iti mairugi a panagadal ti Biblia.
15 min: Adda Kadi iti Pampanunot ti Dios iti Puso Dagiti Annakyo idiay Pagadalan? Palawag iti panglakayen. Agbibiagtayo iti maysa a lubong a gagangay a pekkelennatayo iti bukodna a molde wenno sukog. Ket nangruna a pudno daytoy iti biang dagiti agtutubotayo. Masapul a dagiti nagannak ket sensitiboda iti kasapulan ken problemada. (Prov. 20:5) Itukit iti linteg ken ayat ti Dios ken ayat dagiti nagannak kadagiti annakda. Demostrasion: Pagsaritaan ti maysa a pamilia no kasano a mausar iti School a broshur. Maysa nga anak iti agdadamo idiay pagadalan, bayat a dagiti dua nga annak ket sumagmamano a tawendan iti pagadalan. Pilien ti maysa a punto nga agaplikar iti kasasaad ti tunggal maysa kadakuada. Paiyebkas kadagiti annak ti riknada iti bukodda a sasao kadagiti nagannakda nga adda iti papel a kas maestro ken maestra. Siguruen a dagiti annak ket maawatanda iti prinsipio a nasaklaw ken iyebkasda ti bagbagida babaen iti bukodda a sasao, saan a basta kunada nga isu dayta ti imbaga dagiti nagannakda. Iparegta ti kabsat a mangimaton iti daytoy a paset ti napamiliaan a panagadal iti Biblia ken maigunamgunam ti panagkasapulan dagiti nagannak a nadekket, a nasinged koma iti relasionda kadagiti annakda.
Kanta 130 ken pangserra a kararag.
Lawas ti Set. 28–Okt. 4
5 min: Lokal nga anunsio. Repaso iti artikulo a “‘Dagiti Manangawit iti Lawag’ a Kombension” ken pagsaritaan no ania a kombension iti naituding a tabunuan ti kongregasionda.
15 min: “Ti Karit a Mangaramid iti Panagsarungkar.” Saludsod ken sungbat. Kalpasan a mausig iti parapo 5 ken 6, maadda ti dua a demostrasion. (1) Ipakita no kasano a ti tract ket mausar a pangirugi iti panagadal ti Biblia. (2) Pilien ti suheto manipud iti Panakirinnason ken ipakita no kasano a mausar a pangsungbat ti saludsod iti panagsarungkar. Mailawlawag ti pateg iti sesion ti panaginsayo. Maiparegta ti panangsaruno iti amin nga interes.
10 min: Diskusion iti artikulo a “Malagipyo Pay Aya?” idiay Abril 15, 1992, a Pagwanawanan. Paregtaen dagiti amin a mangsalimetmet iti nasayaat nga iskediol nga agbasa kadagiti magasina. Maited dagiti praktikal a singasing.
15 min: Rumangrang-aykayo Aya iti Espiritual? Diskusion babaen iti panglakayen. Naragpat kadi iti kongregasion dagiti masinnunuo a kalat bayat ti napalabas a tawen iti serbisio? No saan, apay? Maisingasing dagiti maragpat a kalat. Nasken ti panagrang-ay tapno masaluadan iti espiritualidad. (Fil. 3:16) Ababa a demostrasion ti maysa a pamilia, kabayatan iti panagadal ti pamilia, a repasuen iti ministerioda tapno maikeddeng no ania pay ti parang-ayenda iti espiritual. Iti konklusion irepaso ti panglakayen iti apagbiit maipapan dagiti nagapuanan ti kongregasion iti tay-ak ti serbisio bayat iti kallabes a tawen.
Kanta 126 ken pangserra a kararag.