Gimong ti Serbisio iti Hulio
Lawas ti Hulio 5-11
10 min: Lokal nga anunsio. Idemostra ti pateg iti kaadda a kanayon ti magasina a mausar iti impormal a panangsaksi.
15 min: “Tulongan iti Dadduma a Mangammo Maipapan iti Katan-okan a Tao.” Saludsod ken sungbat a diskusion. Kas ipalubos ti tiempo, maawat dagiti komento manipud timmabuno no kasano a nagragsakanda daytoy a publikasion iti Panagadal ti Libro iti Kongregasion.
20 min: “Usaren Dagiti Tract a Mangiyammo iti Katan-okan a Tao a Libro.” Diskusion a kadua dagiti dumdumngeg. Maadda ti dua a demostrasion. Ti umuna mausar daydiay naisingasing a presentasion iti parapo 2. Kalpasan a naiyammo ti tract, narikna ti agibumbunannag a bassit iti interes ti bumalay ket dayta iti gapu a naikeddengna a tukonan laeng iti dua a magasina imbes a ti libro. Ti maikadua a demostrasion masapul a mausar iti isu met laeng a presentasion idiay parapo 2, ngem iti daytoy a tiempo ti bumalay ket interesado. Ituloy ti agibumbunannag nga iparang ti libro kalpasan iti ababa a diskusion iti linaon ti tract.
Kanta 205 ken pangserra a kararag.
Lawas ti Hulio 12-18
10 min: Lokal nga anunsio ken napili manipud Dagiti Pakaammo iti Ti Ministeriotayo iti Pagarian. Maisingasing dagiti maitutop a puntos a pagsaritaan kadagiti agdama a magasina a mausar iti tay-ak ti serbisio iti lawas.
15 min: “Saludsod.” Palawag ti maysa a panglakayen. Maitudo ti responsabilidadtayo nga agparbeng ti umiso no tumabunotayo iti bautismo. Maisinggalut dagiti tumutop a puntos manipud “Saludsod” idiay Enero 1992 a Ti Ministeriotayo iti Pagarian.
20 min: “No Apay a Napateg Unay Ita Dagiti Tract iti Ministeriotayo.” Saludsod ken sungbat a diskusion. Kalpasan ti maudi a parapo, maadda ti ababa a demostrasion a mangipakita no kasano iti kalakana a mausar ti tract iti impormal a panangsaksi.
Kanta 126 ken pangserra a kararag.
Lawas ti Hulio 19-25
10 min: Lokal nga anunsio. Madakamat dagiti lawag iti Report ti Serbisio iti Marso. Madakamat met ti paset a naaramidan iti tay-ak ti serbisio iti lokal a kongregasion bayat dayta a bulan. Mairaman ti report iti kuenta ken mabasa ti aniaman a subalit iti donasion. Maiyebkas iti panangipateg ti pinansial a suportar iti lokal a kongregasion agraman ti sangalubongan a trabaho iti Sosiedad.
15 min: “Panangirugi iti Panagadal ti Biblia iti Katan-okan a Tao a Libro.” Saludsod ken sungbat a diskusion. Kalpasan ti parapo 2, maidemostra no kasano a mairugi iti panagadal ti Biblia iti libro. Irugi ti agibumbunannag babaen iti panangbasana ti umuna a tallo a parapo iti kapitulo 111 ti libro sa mapan iti naisingasing a presentasion idiay parapo 2 ti artikulo.
20 min: Palawag iti Panamarsua, a naibasar idiay Panakirinnason a libro, pinanid 313-7. Masapul a pilien laeng ti ispiker dagiti puntos a mausar kas ipalubos iti naikeddeng a tiempo.
Kanta 79 ken pangserra a kararag.
Lawas ti Hul. 26-Ago. 1
10 min: Lokal nga anunsio. Teokratiko a Damdamag. lyawis ti asikaso kadagiti sumagmamano a mapagsaritaan a puntos iti agdama a magasina a mausar ti panagbalaybalay a ministerio wenno iti impormal a panangasaba.
20 min: “Agregularkayo iti Tay-ak ti Serbisio.” Palawag ti manangaywan iti serbisio ti tay-ak wenno sabali a makabael a kabsat a lalaki. Repasuen ti salaysay iti Organisado a Mangitungpal ti Ministeriotayo, pinanid 106-10, kas ipalubos ti tiempo. Igunamgunam kadagiti amin a makipasetda a regular iti ministerio ken iyawatda dagiti reportda ti serbisio iti tay-ak a nasapa iti ngudo ti bulan.
15 min: Lokal a kasapulan. Mabalin a marepaso dagiti puntos a kasapulan ti kongregasion kas naitudo bayat daydi naudi a bisita iti manangaywan ti sirkito, wenno repasuen iti progreso ti kongregasion iti kinaregular ken panagadal ti Biblia, a nalabit a mausar dagiti artikulo manipud iti napalabas a ruar Ti Ministeriotayo iti Pagarian maipapan kadagitoy a puntos.
Kanta 71 ken pangserra a kararag.
Lawas ti Agosto 2-8
10 min: Lokal nga anunsio ken dua wenno tallo a demostrasion babaen iti makabael nga agibumbunannag, a maipakita no kasano a dagiti nagduduma a broshur ket maitukon iti publiko bayat ti Agosto. Maysa koma kadagiti demostrasion ti maiparang a kas impormal a panangasaba a mausar daglti broshur.
20 min: Palawag ti maysa a panglakayen iti “Ti Saoyo a Wen Kaipapananna Koma ti Wen,” a naibasar iti sasao ni Jesus iti Mateo 5:37. Maigunamgunam daytoy iti panagkasapulan a pudnotayo koma kadagiti saotayo, agraman ti kari iti dedikasion wenno aplikasiontayo kas regular ken auxiliary payunir. Dagidiay addaan ti utang a maipaay iti Kingdom Hall nangaramidda ti sasao iti saklang ni Jehova a situtulok ken kabaelanda a bayadan iti Sosiedad ti masinnunuo a kantidad iti kada bulan tapno magunggonaan met dagiti dadduma. Iti daytoy a banag, nasayaat no ti ispiker ket isitarna dagiti parapo 12-15 iti insert idiay Disiembre, 1991 a Ti Ministeriotayo iti Pagarian, nga aktual a basaen dagitoy a parapo ken dagiti naisitar a kasuratan. Maingudo babaen dagiti sasao ni Jesus iti Mateo 12:37.
15 min: Palawag a naibatay iti artikulo a “Surotenyo Kadi a Naimbag ni Jehova?” idiay Mayo 15, 1993 a ruar iti Ti Pagwanawanan.
Kanta 38 ken pangserra a kararag.