Teokratiko a Damdamag

Argentina: Maysa a kangatuan pay laeng iti agibumbunannag a 98,601 ti naragpat idi Pebrero. Bayat dayta met laeng a bulan, 507 ti baro a disipulo iti nabautisaran.

Benin: Maysa a baro a kangatuan a 2,967 nga agibumbunannag ti nagreport idi Pebrero. No maidilig iti aktibidadda idi napan a tawen, ngimmato ti agibumbunannag iti 13.8 a porsiento, ti oras iti 6.1 porsiento, ti magasina iti 40.6 porsiento, ken panagadal ti Biblia iti 25.1 porsiento.

Ecuador: Dagiti 23,176 nga agibumbunannag a nagreport iti tay-ak ti aktibidad bayat iti Pebrero ti nakaidaulo iti 42,219 a panagadal ti Biblia iti pagtaengan. Rimmang-ay daytoy iti 2,180 nga agibumbunannag ken 3,183 iti panagadal ti Biblia no maiyasping idi Pebrero iti napan a tawen.

Ireland: Ti maika-59 a nagsasaruno a kangatuan iti agibumbunannag isut’ naragpat idi Pebrero babaen ti 4,093 a nagreport. Manamnama ti masanguanan a panagrang-ay babaen iti baro a kangatuan a 2,682 a panagadal ti Biblia iti pagtaengan a naidaulo.

Peru: Dagitoy 43,366 nga agibumbunannag idiay Peru ti nagreport iti 369,437 a panagsarungkar ken 68,090 a panagadal ti Biblia idi Pebrero. Maysa a baro a nabangon nga Assembly Hall ti naidedikar idiay Lima babaen iti 21,240 a timmabuno.

Tahiti: Maysa a 13-porsiento a panagadu ti naragpat idi Pebrero babaen iti 1,604 nga agibumbunannag a nagreport. Isu daytoy ti maika-64 a nagsasaruno a kangatuan iti agibumbunannag idiay Tahiti.

Ti Aruba, Guadeloupe, Martinique, St. Kitts, ken ti U.S. Virgin Islands, amin dagitoy idiay deppaar ti Caribbeano, ket nagreportda iti baro a kangatuan ti agibumbunannag idi Pebrero.