Gimong ti Serbisio iti Setiembre
Lawas ti Setiembre 6-12
10 min: Lokal nga anunsio ken napili a Dagiti Pakaammo manipud iti Ti Ministeriotayo iti Pagarian. Malawagan dagiti mapagsaritaan a puntos manipud kadagiti agdama a magasina. Paregtaen dagiti amin a makiraman iti tay-ak ti serbisio iti daytoy ngudo ti lawas.
20 min: “Ganetgetan ti Agsapul Kadagiti Dumngeg a Lapayag.” Pagsaritaan a kadua dagiti dumdumngeg. Mailawlawag iti importansia ti panangtrato iti kada bumalay a kas indibidual, a ranta a maadda koma ti diskusion kenkuana. Maadda dagiti abbaba a panangiparang a naibasar kadagiti singasing iti parapo 2 ken 3. Maigunamgunam ti regular a panangusar kadagiti magasina iti tay-ak ti serbisio.
15 min: Palawag ti maysa kadagiti panglakayen iti suheto a “Naagawa Kadagiti Ar-aramid a Natay wenno iti Serbisio ni Jehova?” (Manipud Ti Pagwanawanan, Hulio 1, 1992, pinanid 26-9.) Wenno pagsaritaan dagiti lokal a kasapulan.
Kanta 193 ken pangserra a kararag.
Lawas ti Setiembre 13-19
10 min: Lokal nga anunsio, agraman report iti kuenta ken subalit dagiti donasion. Komendaran ti kongregasion iti lokal a suportarda iti kongregasion ken ti sangalubongan a trabaho ti Sosiedad.
15 min: “Malagipyo Pay Aya?” (Kitaenyo Ti Pagwanawanan, Disiembre 15, 1992, panid 30.) No mabalin ipalawag daytoy ti Konduktor iti Panagadal ti Pagwanawanan a mangkobre iti adu a puntos kas ipalubos ti tiempo nga agserbi kas repaso kadagiti material a naidatag iti Pagwanawanan a maipaay ti 1992.
20 min: “Panagsubli a Tumulong iti Tattao a Mangadal No Kasanoda nga Agbiag ti Agnanayon.” Saludsod ken sungbat a panangkobre. Paidemostra ti sarungkar a naibasar iti panangiparang a naiwayat idiay parapo 5 ken 6.
Kanta 71 ken pangserra a kararag.
Lawas ti Setiembre 20-26
10 min: Lokal nga anunsio. Teokratiko a Damdamag. Kasta met a maiparegta ti pannakipaset iti aktibidad ti tay-ak iti ngudo ti lawas.
15 min: Mailawlawag ti pateg iti Agbiag nga Agnanayon a libro. Maisitar dagiti numero a mangipasimudaag iti panagadu bayat dagiti tawtawen a nausar daytoy a publikasion. Adu dagiti nakaammo ti kinapudno babaen ti panangadalda iti daytoy a libro. Masaludsodan iti maysa wenno dua nga agibumbunannag a nangadal iti daytoy a libro idi a simrekda ti kinapudno. Paibaga kadakuada no ania ti impategda unay a naadalda kenkuana ken no kasano nga inusarda iti tay-ak. Maparegta dagiti kakabsat nga itukonda a sirarayray daytoy kadagidiay pakadlawan ti interes.
20 min: “Pagalagadan nga Agpadpada Dagiti Agdadamo ken Nasanayen a Ministro.” Saludsod ken sungbat a panangwanas babaen ti panglakayen. Maingudo babaen ti nabara ken ababa a sumaria dagiti puntos a maiyaplikar iti lokal a kasapulan ti kongregasion.
Kanta 6 ken pangserra a kararag.
Lawas ti Set. 27–Okt. 3
10 min: Lokal nga anunsio.
20 min: “Sipapasnek a Bumirok Kadagiti Panagadal ti Biblia.” Saludsod ken sungbat a panangkobre iti artikulo babaen ti manangaywan iti serbisio. Basaen ken iyaplikar dagiti amin a naisitar a kasuratan. Repasuen ti progreso iti panagadal ti Biblia a trabaho iti kongregasion bayat ti lima a napalabas a tawtawen, ken maputar ti pangserra a komento a maitunos iti lokal a kasapulan.
15 min: Ti Pateg Dagiti Petsa iti Panagadaltayo ti Biblia. Kalpasan ti ababa a palawag iti material idiay baba ti “Kayuloganna” iti panid 335 ti Panakirinnason a libro, maidaulo ti diskusion kadagiti timmabuno iti natda a salaysay iti baba ti “Dagiti Petsa.” Mausig ti “Apay a kunaen dagiti Saksi ni Jehova a ti Pagarian ti Dios ket naipasdek idi 1914?” Mailawlawag no kasano a ti salaysay ket makatulong kadagiti agdadamo a nakasagana a mangdepensa iti mensahe ti Pagarian.
Kanta 43 ken pangserra a kararag.