Gimong ti Serbisio iti Pebrero
Lawas ti Pebrero 5-11
10 min: Dagiti lokal nga anunsio. Napili a Pakaammo manipud Ti Ministeriotayo iti Pagarian. Teokratiko a Damdamag.
15 min: “Baro a Libro a Mangitampok iti Pannakaammo ti Dios.” Saludsod ken sungbat a panangsalaysay.
20 min: “Apocalipsis—Tulbek ti Pudno a Kinaragsak.” Pagsaritaan dagiti naisingasing a parang, ken mangipakita iti maysa wenno dua a demostrasion.
Kanta 14 ken pangserra a kararag.
Lawas ti Pebrero 12-18
10 min: Dagiti lokal nga anunsio. Report ti kuenta. Palagipan amin maipapan iti miting inton Pebrero 18 a kadua dagiti amin nga agpalplano nga ag-auxiliary payunir iti daytoy kalgaw.
15 min: “Agsaganakayo a Maipaay iti Trabaho a Panagmagasin Inton Abril.” Basaen ti duat’ parapona nga artikulo, ken balabalaen no aniat’ aramidento ti lokal a kongregasion tapno agbalin ti Abril a maysa nga espesial a bulan a panagiwaras iti magasin.
20 min: “Kasano a Maawisko a Dumngeg ti Bumalay?” Saludsod ken sungbat. Pagsaritaan ti dua nga agibumbunannag no kasanoda a padasen nga idemostra a nabarbara ti pannakisaoda kadagiti ruangan, nga usarenda dagiti sumagmamano a singasing a naited iti Giya ti Eskuelaan, pinanid 166-8, parapo 10-21.
Kanta 133 ken pangserra a kararag.
Lawas ti Pebrero 19-25
10 min: Dagiti lokal nga anunsio.
15 min: Palawag ti maysa a panglakayen iti “Agannadkayo iti Panaginlilinteg,” a naibasar iti artikulo ti Oktubre 15, 1995 a Pagwanawanan, pinanid 29-31.
20 min: “Tulongan Ida a Mangawat.” Repasuen dagiti naisingasing a parang a maipaay kadagiti panagsarungkar. Paidemostra ti maysa wenno dua a parang. Mangted kadagiti singasing no kasano a mapatanor ti interes agingga a mairugi ti panagadal ti Biblia iti libro a Pannakaammo a Mangiturong iti Biag nga Agnanayon.
Kanta 53 ken pangserra a kararag.
Lawas ti Peb. 26–Marso 3
7 min: Dagiti lokal nga anunsio.
10 min: “Magunggona Manipud Teokratiko nga Eskuelaan ti Panagministro iti 1996—Paset 2.” Palawag ti manangaywan ti eskuelaan. Ipaganetget a kasapulan a basaen ti Sao ti Dios nga inaldaw.
13 min: Panagsagana Kadagiti Makaguyugoy a Parang. Pagsaritaan ti grupo dagiti tallo wenno uppat nga agibumbunannag dagiti gunggona ti panangdakamat iti paginteresan [ti tattao] iti teritoriayo. Kas ehemplo, ireport dagiti lokal a damdamag maipapan ti pinget a mangidur-as iti kasasaad ti panagbiag; kumarkaro a problema dagiti naestaduan, dagiti delingkuente nga ubbing, wenno rigat ti panagsapul ti panggedan. Dakamaten dagiti dadduma pay nga agdama a damdamag iti komunidadyo ken pagsaritaan no kasanoda a mausar a pangirugi kadagiti panagpapatang.
15 min: Panangitukon iti Libro a Pannakaammo a Mangiturong iti Biag nga Agnanayon Bayat ti Marso. Ipakita dagiti sumagmamano a makapainteres a paset ti libro a mabalin a pangirugi iti panagsasarita: (1) Iturong ti atension kadagiti makaawis nga ilustrasion, kas kadagidiay agparang iti pinanid 4-5, 86, 124-5, 188-9. (2) Ilawlawag no kasano a mausar dagiti saludsod ti repaso iti ngudo dagiti kapitulo a pangirugi iti saritaan. Damagen iti bumalay no kayatna a maammuan dagiti sungbat. Pilienyo ti sumagmamano kadagiti saludsod a nailista iti pinanid 11, 22, 61, 149. (3) Ipakita ti kahon idiay panid 102, sa mangisingasing no kasano a mausar a pangtukay ti interes “Dagiti Dadduma a Paspasamak iti Maudi nga Al-aldaw.” (4) Igunamgunam no kasano a nangnangruna a nadisenio ti libro a pangikondukta kadagiti narang-ay a panagadal. Ababa dagiti kapitulo, nalaka a maawatan ti material, naisitar dagiti nabileg a kasuratan, ken naiturong dagiti saludsod kadagiti napateg a punto. Gutugoten amin nga itukonda ti libro a buyogen ti kalat a mangirugi kadagiti panagadal.
Kanta 151 ken pangserra a kararag.