Gimong ti Serbisio iti Mayo
Lawas ti Mayo 5-11
10 min: Dagiti lokal a pakaammo ken dagiti Pakaammo iti Ministeriotayo iti Pagarian.
12 min: “Agtultuloy a Surotenyo ni Jesus.” Saludsod ken sungbat. Iraman dagiti kapadasan iti Pagwanawanan a Hunio 1, 1993, panid 12.
23 min: “Ipakita ti Napaypayso a Pannakaseknan iti Amin a Nasarakan nga Interes.” Pagsasaritaan ti tallaong. Ipaganetget a nasken ti panangsurnad iti amin nga interes. Mangisingasing iti nainsiriban a wagas a panangkiddaw iti direksion ti pagtaengan dagidiay maam-ammotayo kadagiti publiko a lugar tapno ad-adda pay a makasabaantayo ida. Paidemostra kadagiti makabael nga agibumbunannag ti dua kadagiti presentasion a naisingasing iti parapo 6-9. Repasuen ti kahon a, “No Kasano a Makapagballigi iti Panagsarungkar,” iti panid 3 a suplemento ti Ministeriotayo iti Pagarian a Marso 1997. Paregtaenyo dagiti amin a mangyeskediulda iti tiempo a panagsarungkar iti kada lawas.
Kanta 151 ken pangserra a kararag.
Lawas ti Mayo 12-18
10 min: Dagiti lokal a pakaammo. Report ti kuenta.
15 min: Palawag ti panglakayen kadagiti nasken a punto iti “Saludsod.”
20 min: Palawag iti artikulo a napauluan “Itultuloyyo ti Agserbi Kas Payunir” iti Setiembre 15, 1993 a ruar Ti Pagwanawanan, panid 28-31. Isalaysay dagiti galad a kasapulan tapno makapagballigi iti payunir a ministerio, a makaparegta, saan laeng a kadagidiay payunir, no di pay ket kadagidiay agpalplano nga agtultuloy nga agpayunir kalpasan ti kampania iti kalgaw. Isalaysay ti artikulo iti panid 3 daytoy a Ministeriotayo iti Pagarian a napauluan “Makapagtultuloyka Kadi?,” sa paregtaen dagidiay nag-auxiliary pioneer a mangusig iti panangpalawa iti serbisioda kas auxiliary wenno regular pioneer.
Kanta 162 ken pangserra a kararag.
Lawas ti Mayo 19-25
7 min: Dagiti lokal a pakaammo.
20 min: “Panangidaulo iti Narang-ay a Panagadal iti Biblia Kadagiti Pagtaengan.” Ti makabael a kabsat a lalaki pagsaritaanda ti artikulo a kaduana ti maysa wenno dua nga agibumbunannag a naballigi iti panangyadal. Iti panangaramatda kadagiti paset ti libro a Pannakaammo kas ehemplo, isalaysayda dagiti pamay-an iti panangisuro a tumulong kadakuada a mangtaginayon iti annayas ti panagadal ken makatulong kadakuada a mangtarus iti aktual a maad-adal ti estudiante.—Kitaenyo ti suplemento ti Hunio 1996 a Ministeriotayo iti Pagarian, parapo 5, 8, 12, ken 21.
18 min: Palawag ti panglakayen iti artikulo a, “Tultuladenyo Aya ti Di Mangidumduma a Diostayo?” iti Nobiembre 15, 1996 a Pagwanawanan, panid 25-7.
Kanta 165 ken pangserra a kararag.
Lawas ti Mayo 26–Hunio 1
15 min: Dagiti lokal a pakaammo. Repasuen ti literatura a tukon iti Hunio. Iti panangusar iti libro a Pannakaammo, ilawlawag no kasano a mausar dagiti punto iti parapo 17-19 iti panid 10-11 a mangisagana iti ababa a presentasion. Paregtaen ti amin nga ikagumaanda ti mangirugi kadagiti panangyadal. Igunamgunam a nasken ti panangtulong kadagiti interesado a rumang-ay a nadaras.—Kitaenyo ti Enero 15, 1996, a Pagwanawanan, panid 13-14.
12 min: “Apay nga Agkarasublitayo?” Saludsod ken sungbat. Iraman dagiti punto iti kahon nga adda iti panid 570 iti libro a Manangiwaragawag.
18 min: Dagiti lokal a kasapulan. Palawag ti panglakayen wenno panagsarita ti dua a panglakayen maipapan iti naespirituan a kasapulan ti kongregasion. Mangipaay iti Nainkasuratan a patigmaan ken praktikal a singasing maipaay iti irarang-ay.
Kanta 174 ken pangserra a kararag.