Gimong ti Serbisio iti Hulio
Lawas ti Hulio 7-13
10 min: Dagiti lokal a pakaammo. Dagiti napili a Pakaammo iti Ministeriotayo iti Pagarian. Komentuan ti report iti tay-ak ti serbisio iti Abril para iti pagilian ken ti lokal a kongregasion.
15 min: “Magunggonaan ti Kinamatalek.” Saludsod ken sungbat. Iraman ti ehemplo a naisalaysay iti Enero 22, 1993, nga Agriingkayo!, panid 18-21.
20 min: “Tulonganyo Dagiti Sabsabali a Mangsarak iti Liwliwa.” Pagsasaritaan ti tallaong. Paidemostra ti maysa wenno dua a presentasion. Awisen ti tallaong a mangisalaysay iti dadduma pay a wagas a panangirugida iti pannakisarita babaen kadagita met laeng a broshur. Iparegta ti panagaramat iti simple, maitutop a sasao a mangriing iti interes. (Kitaenyo ti Giya ti Teokratiko nga Eskuelaan, panid 7, parapo 9-11.) Dakamaten ti dadduma pay a broshur a mabalin nga itukon ken adda iti kongregasion.
Kanta 70 ken pangserra a kararag.
Lawas ti Hulio 14-20
12 min: Dagiti lokal a pakaammo. Report ti kuenta. Usigen ti “Adalentayto ti Libro a Kinaragsak iti Pamilia.”
18 min: “Mangasaba iti Sadinoman nga Ayan ti Tattao.” Palawag. No ipalubos ti tiempo, mabalin ti mangipaay kadagiti kanayonan a kapadasan manipud iti 1997 Yearbook, panid 43-6.
15 min: Nagannak—Isuroyo Dagiti Annakyo Manipud Kinamaladaga. Ilawlawag ti panglakayen dagiti Nainkasuratan a prinsipio a mangipakpakita a masapul nga isuro dagiti nagannak ti annakda manipud kinamaladaga. (Prov. 22:6; 2 Tim. 3:14, 15) Pagarupen ti dadduma a nagannak a saan pay a rumbeng nga ipaay ti serioso a panangyadal iti Biblia kadagiti annak agingga a nataengandan nga agdesision a bukbukodda. Iti kakasta a kasasaad adu ti annak a nayaw-awan iti lubong. Ti panangisuro iti naespirituan rumbeng a mangrugi iti kinamaladaga. (g97-IL 3/8 26-7; w88-IL 8/1 12-13) Manginterbiu iti agassawa a mangipakpakita iti pannakaseknan iti espiritualidad dagiti annakda. Ipakita no kasano nga idaulo ti ama ngem aramiden nga agpadpada dagiti nagannak ti pasetda a mangipaay iti regular, nasayaat-pannakaurnosna a programa a panangisuro kadagiti annakda. Isalaysay dagiti agassawa ti inar-aramidda iti panangikagumaanda a mangisuro iti kinapudno kadagiti annakda, a mangyaplikar kadagiti singasing nga impaay ti organisasion maipapan iti kaadda ti praktikal a programa a panangisuro idiay pagtaengan. Ipaganetget ti panglakayen ti pateg ti panangyaplikar iti ibalbalakad ti Sao ti Dios nga aramiden dagiti nagannak.—Efe. 6:1-4.
Kanta 71 ken pangserra a kararag.
Lawas ti Hulio 21-27
12 min: Dagiti lokal a pakaammo. Iraman ti panangusig iti “Saludsod.”
13 min: “Asino ti Mapan a Gapu Kadatayo?” Positibo a palawag. Iraman ti pammaregta iti panag-regular pioneer ken ti kapadasan a masarakan iti Pebrero 1997 a suplemento Ti Ministeriotayo iti Pagarian, parapo 16-17. Dagidiay di makapag-regular pioneer mabalin a kayatda nga iplano no ania a (bul)bulan ti panag-auxiliary pioneer-da iti sumaganad a tawen ti serbisio.
20 min: Sisasagana a Mangasaba iti Di Pormal. Kada aldaw, adda gundawaytayo a mangasaba kadagiti tattao a maam-ammotayo. No dumteng ti gundaway, nalabit awan mausartayo a Biblia wenno publikasion. Agplano a nasakbay. Iti pagtaengan, mangipaknikayo iti sumagmamano a literatura a nalaka nga alaen iti asideg ti ridaw a pangkablaawanyo kadagiti bisita. Mangikabilkay iti nadumaduma a literatura iti bag, ket itugotyo wenno ikabilyo iti kotseyo, iti pagtrabahuanyo, wenno iti pagpellesanyo iti eskuelaan. Mangitugotkayo no aglugankay iti publiko a transportasion. Mangitugotkayo iti sumagmamano a literatura no agbibiahekayo gapu iti negosio, mapan iti kombension, wenno no agbakasionkayo. Isalaysay dagiti kanayonan a singasing iti Giya ti Teokratiko nga Eskuelaan, panid 80-2, parapo 11-16. Idemostra iti apagbiit ti nadumaduma a pamay-an a pannakisarita iti aglaklako, katrabahuan, kaeskuelaan, iti sabali pay nga agbibiahe, wenno agbakbakasion.
Kanta 72 ken pangserra a kararag.
Lawas ti Hul. 28–Agos. 3
12 min: Dagiti lokal a pakaammo. Ipalagip iti amin nga itedda dagiti report iti tay-ak ti serbisio. Repasuen dagiti literatura a tukon iti Agosto. Ipamaysa ti panangsarungkar kadagidiay nangala kadagiti broshur iti Hulio, nga ikagumaan ti mangirugi kadagiti panagadal iti Biblia. Usaren ti suplemento ti Marso 1997 a Ministeriotayo iti Pagarian, mangdakamat iti sumagmamano a kasapulan para iti epektibo a panagsarungkar. Masapul a mairugi ti panagadal iti broshur a Kalikaguman wenno iti libro a Pannakaammo.
18 min: Palawag ti panglakayen iti artikulo a “Dagiti Kasar a Mangidayaw ken Jehova” iti Abril 15, 1997 a Pagwanawanan, panid 23-6.
15 min: Naan-anay nga Itungpalmo ti Ministeriom. Palawag ti manangaywan iti serbisio a naibatay iti libro a Ti Ministeriotayo, panid 5-8. Ipaganetget ti kinapateg ken kinaganat ti trabaho a panangasaba, a gutugoten ti isuamin nga ipapusoda ti responsabilidadda kas ministro.
Kanta 75 ken pangserra a kararag.