Gimong ti Serbisio iti Agosto
Lawas ti Agosto 3-9
10 min: Dagiti lokal a pakaammo. Dagiti napili a Pakaammo iti Ministeriotayo iti Pagarian. Komentuan ti report iti tay-ak ti serbisio idi Mayo iti pagilian ken iti lokal a kongregasion.
15 min: “Maragpattay Ngata ti Kalattayo iti Daytoy a Bulan?” Saludsod ken sungbat. Paregtaen ti amin nga ikagumaanda ti mangirugi iti panangyadal iti nasapa a paset ti Agosto tapno mabalin nga ireport iti ngudo ti bulan. Iraman iti apagbiit dagiti komento iti “Saludsod” iti panid 7.
20 min: “Agusar Kadagiti Broshur a Makaguyugoy Agpadpada iti Panunot ken Puso.” Pagsasaritaan ti tallaong. Repasuen iti apagbiit dagiti broshur a naipablaak kadagiti napalabas a tawen. (Kitaenyo ti Watch Tower Publications Index 1986-1995, panid 652-3.) Itampok ti baro a broshur a Libro Para iti Amin a Tao, ken pagsasaritaan no siasino dagiti mabalin nga aginteres a mangala iti kopia. Mangidemostra iti maysa wenno dua a presentasion.
Kanta 191 ken pangserra a kararag.
Lawas ti Agosto 10-16
10 min: Dagiti lokal a pakaammo. Report iti kuenta.
15 min: Dagiti lokal a kasapulan.
20 min: “Agtutubo—Gundawayanyo ti Panageskuelayo.” Saludsod ken sungbat. Iramanyo dagiti maitutop a komento manipud iti Abril 8, 1992, nga Agriingkayo!, panid 17-19, ken Hulio 15, 1991, a Pagwanawanan, panid 23-6.
Kanta 37 ken pangserra a kararag.
Lawas ti Agosto 17-23
10 min: Dagiti lokal a pakaammo. Gutugoten ti tallaong a mangipaay kadagiti ababa a komento no kasano nga alaen ti nagan ken direksion ti tao a nakasabaan iti lansangan, iti parke, wenno iti sadinoman, tapno masurnadan ti interesna.
35 min: “Progresibo a Panangmatmat iti Naganat a Trabaho a Panagaramid Kadagiti Adalan.” Saludsod ken sungbat. Basaen ti parapo 5, 10, ken 11. Repasuen ti pagdurdur-asan ti panangyadal iti Biblia iti lokal. Paregtaen amin a mangyad-adal a basaenda manen ti suplemento ti Hunio 1996 a Ministeriotayo iti Pagarian tapno maparang-ayda ti laingda a mangisuro. Usigen ti parapo 5 ken 25 iti dayta a suplemento.
Kanta 108 ken pangserra a kararag.
Lawas ti Agosto 24-30
12 min: Dagiti lokal a pakaammo. Yantangay maysa laengen a ngudo ti lawas ti nabati iti Agosto, paregtaen ti tunggal maysa a makiraman iti ministerio sakbay nga agngudo ti bulan, ken agreportda a dagus tapno magupgop dagiti report iti daytoy a tawen ket maipatulod iti Sosiedad inton Setiembre 6.
18 min: No Kasano a Makapagtultuloy nga Agserbi Kas Payunir. Palawag a naibatay iti Setiembre 15, 1993, a Pagwanawanan, panid 28-31. Mainterbiu ti maysa a payunir a nakasursuro a mangsaranget kadagiti nakaro a parikut ken nakapagtultuloy a payunir.
15 min: Usarenyo a Naimbag ti Ministeriotayo iti Pagarian. Pagsasaritaan ti tallaong. Babaen ti panangusar kadagiti nabiit pay a pagarigan, iyilustrar ti naintiempuan nga impormasion a masarakan kadagiti pinanid Ti Ministeriotayo iti Pagarian ken dagiti magunggonatayo iti dayta: (1) dagiti artikulo a manggutugot kadatayo a makiraman a regular iti ministerio; (2) dagiti kapadasan a mangparegta kadatayo iti sagrado a serbisiotayo; (3) dagiti singasing a tumulong kadatayo a mangipresenta a sieepektibo iti naimbag a damag; (4) pannakaipakaammo dagiti baro a publikasion a makagunggona iti lokal a teritoria; (5) dagiti report iti serbisio, a mangipakita iti panagdur-as ti trabaho ti Pagarian; (6) Teokratiko a Damdamag, a mangireport iti irarang-ay ti sangalubongan a trabaho; (7) dagiti pakaammo ken eskediul a mangted kadatayo iti impormasion maipapan kadagiti umad-adanin nga okasion; (8) dagiti sungbat kadagiti napapateg unay a saludsod; ken (9) dagiti suplemento a mangted kadatayo iti impormasion maipapan kadagiti kombension, espesial a kampania, ken dadduma pay a bambanag a mamagsalukag kadatayo kadagiti naespirituan a kasapulantayo. Paregtaen ti amin a basaenda ti kada ruar, iyaplikarda dagiti singasingna, itugotda dayta iti Gimong iti Serbisio ken kadagiti taripnong maipaay iti panagserbi idiay tay-ak, ken idulinda dayta kas reperensia iti masanguanan.
Kanta 210 ken pangserra a kararag.
Lawas ti Ago. 31–Set. 6
12 min: Dagiti lokal a pakaammo. Palagipan ti amin nga itedda dagiti reportda iti tay-ak ti serbisio para iti Agosto. Palagipan koma dagiti konduktor ti Panagadal iti Libro ti Kongregasion amin nga adda iti grupoda a siguraduenda nga ireport ti aniaman a panangyadal iti Biblia a nairugida iti Agosto ken agpatpatuloy. Usigen ti literatura a tukon iti Setiembre. Idemostra iti apagbiit ti presentasion a mangibangon iti saludsod nga “Apay a rumbeng nga aramatentayo ti nagan ti Dios?” Sungbatanyo dayta nga usarenyo ti libro a Pannakaammo, kapitulo 3, parapo 6.
15 min: “Dagiti Manangaywan a Mangidadaulo—Ti Mamangulo a Manangaywan.” Palawag ti mamangulo a manangaywan. Kalpasan a mairepasona dagiti annongenna, iyebkasna ti apresasion iti kongregasion gapu iti pannakikooperarda kadagiti panglakayen bayat nga ipastoranda ti arban.
18 min: Tulonganyo ti Anakyo a Mangsaranget Kadagiti Parikut Idiay Eskuelaan. Kasarita ti panglakayen ti dua wenno tallo a nagannak nga addaan kadagiti ages-eskuela nga annak. Komentuan iti apagbiit ti sumagmamano kadagiti ad-adda a gagangay a parikut a maipasango kadagiti ubbing, kas naibalabala iti Agosto 8, 1994, nga Agriingkayo!, panid 5-7. Kalpasanna, babaen ti panangusar iti panid 8-10, isalaysay no kasano a masalakniban dagiti nagannak dagiti annakda ken no kasanoda a mataginayon ti nasayaat a relasion ti nagannak ken ti mannursuro.
Kanta 24 ken pangserra a kararag.