Gimong ti Serbisio iti Nobiembre
Lawas ti Nobiembre 2-8
10 min: Lokal a pakaammo. Dagiti napili a Pakaammo iti Ministeriotayo iti Pagarian. Komentuan ti report iti tay-ak ti serbisio iti Agosto para iti pagilian ken ti lokal a kongregasion.
15 min: “Isuamin Masapul nga ‘Abrasaenda a Naimpusuan ti Sao’!” Saludsod ken sungbat. Iraman dagiti kanayonan a singasing iti suplemento ti Hunio 1996 a Ministeriotayo iti Pagarian, parapo 21.
20 min: “Kayatko ti Mangirugi iti Panangyadal iti Biblia!” Pagsasaritaan ti tallaong nga idauluan ti manangaywan iti serbisio. Ilawlawag no kasano a maorganisar ti lokal nga urnos a mainaig iti daytoy sangsangkamaysa a panagregget nga agsarungkar. No mabalbalin, makipagtrabaho dagiti aduan kapadasan nga agibumbunannag kadagiti kabbaro. Repasuen dagiti singasing iti suplemento ti Abril 1998 a Ministeriotayo iti Pagarian, parapo 12-15. Paidemostra iti makabael nga agibumbunannag no kasano nga itukon ti panagadal kabayatan ti panagsarungkar. Paregtaen ti amin nga ikagumaanda ti mangirugi iti baro a panangyadal.
Kanta 35 ken pangserra a kararag.
Lawas ti Nobiembre 9-15
13 min: Lokal a pakaammo. Report ti kuenta. Usigen met dagiti punto iti “Saludsod.”
15 min: Lokal a kasapulan.
17 min: “Agpipinnabilegkayo Babaen ti Panagkomento Kadagiti Gimong.” Saludsod ken sungbat. Ilawlawag no kasano a ti panagkomento ket makatulong iti naespirituan nga irarang-aytayo. (Kitaenyo ti Giya ti Eskuelaan, adalen 38, parapo 4.) Awisen ti dadduma tapno isalaysayda no kasanoda a pinarmek ti kinamanagbabainda nga agkomento ken no kasanoda a nabendisionan babaen ti pannakiramanda kadagiti gimong.
Kanta 51 ken pangserra a kararag.
Lawas ti Nobiembre 16-22
5 min: Lokal a pakaammo.
20 min: “Dagiti Manangaywan a Mangidadaulo—Ti Manangaywan iti Teokratiko nga Eskuelaan ti Panagministro.” Palawag ti manangaywan iti eskuelaan. Repasuen ti Giya ti Eskuelaan, panid 10-11, parapo 6-12.
20 min: “1998-99 a ‘Dalan ti Dios iti Biag’ a Kombension Distrito.” (Parapo 1-17) Saludsod ken sungbat. Basaen ti parapo 11 ken 12. Ipaganetget ti Nainkasuratan a rason no apay a mantenerentay a naimbag ti natakneng a panaglanglanga ken konduktatayo kas Kristiano ken ti umiso a panangaywan kadagiti annaktayo.
Kanta 167 ken pangserra a kararag.
Lawas ti Nobiembre 23-29
7 min: Lokal a pakaammo. Isalaysay dagiti kapadasan a naimaldit iti makinlikud a panid ti Agosto 8, 1998, nga Agriingkayo! maipanggep iti epekto ti libro a Katan-okan a Tao kadagiti tattao. Alerto koma amin nga agibumbunannag a mangitukon iti daytoy a libro kadagiti mayanatup a gundaway.
18 min: “1998-99 a ‘Dalan ti Dios iti Biag’ a Kombension Distrito.” (Parapo 18-24) Saludsod ken sungbat. Basaen ti parapo 18 ken ti naisitar a kasuratan. Igunamgunam ti pateg ti kinaurnos ken konsiderasion kadagiti sabsabali, nangnangruna no maipapan iti pagtugawan. Ingudo babaen ti ababa a palawag a mangrepaso kadagiti “Palagip iti Kombension.”
20 min: Dagiti Singasing a Mangparang-ay iti Panagbasayo iti Biblia. Palawag a naibatay iti Mayo 1, 1995, a Pagwanawanan, panid 16-17. Itampok dagiti naespirituan a pagimbagan ti inaldaw a panagbasa iti Biblia. Repasuen dagiti naisingasing, ken isalaysay no kasano nga iyaplikar dagita. Paisalaysay iti dua wenno tallo nga agibumbunannag no kasanoda a nagunggonaan iti regular a panagbasa iti Sao ti Dios.
Kanta 46 ken pangserra a kararag.
Lawas ti Nob. 30–Dis. 6
15 min: Lokal a pakaammo. Palagipan ti amin nga itedda dagiti reportda iti tay-ak ti serbisio. Paregtaen ti asinoman a di nakairugi iti panangyadal kabayatan ti Nobiembre nga itultuloyda ti reggetda agingga iti Disiembre, bayat a maitampok ti libro a Pannakaammo ken ti New World Translation. Paidemostra iti makabael nga agibumbunannag ti maysa a panagsarungkar nga usaren ti kahon iti panid 19 iti libro a Pannakaammo; nga ilawlawag ti agibumbunannag no kasano a mausar ti libro tapno makagun-od iti pannakaawat maipapan kadagiti pannursuro ti Biblia ken makairugi iti panangyadal.
15 min: Usarenyo a Naimbag ti 1999 Calendar of Jehovah’s Witnesses. Palawag. Irepaso dagiti naisangsangayan a linaon ti kalendario: (1) dagiti napipintas nga ilustrasion a mangiladawan kadagiti naisangsangayan a pasamak ken pannursuro ti Biblia, (2) linawas nga eskediul ti panagbasa iti Biblia iti Teokratiko nga Eskuelaan ti Panagministro, (3) tinawen nga eskediul ti makalawas a panagbasa iti Biblia sakbay ti Memorial, (4) pakaammo maipapan kadagiti umad-adani a panagrepaso, ken (5) dagiti palagip iti regular a pannakiraman iti panagmagasin. Isalaysay ti panangusar iti espasio a pangisuratan iti eskediul ti panagserbi idiay tay-ak, pangisuratan kadagiti report iti serbisio ken dagiti tulagan a pannakipagtrabaho kadagiti sabsabali, pangilistaan kadagiti pasettayo iti gimong, pangisuratan kadagiti palagip iti ibibisita ti manangaywan ti sirkito ken dagiti mapasungad nga asamblea. No ikabilyo ti kalendario iti lugar a nalaka a makita idiay pagtaengan wenno pagtrabahuan, mabalin a mangpataud dayta kadagiti gundaway a mangirugi iti Nainkasuratan a panagsasarita. Mangisalaysay iti kapadasan iti 1998 Yearbook, panid 8.
15 min: Palawag ti panglakayen iti artikulo a “Siguraduem nga Iyun-una Dagiti Rebbeng nga Iyun-una,” iti ruar ti Pagwanawanan a Setiembre 1, 1998, panid 19-21. Iyaplikar iti lokal a kasasaad dagiti punto a nadakamat, nga ipaganetget dagiti banag a rumbeng nga iyun-una iti biagtayo.
Kanta 121 ken pangserra a kararag.