Gimong ti Serbisio iti Setiembre
Lawas ti Setiembre 6
10 min: Lokal a pakaammo ken Dagiti Pakaammo iti Ministeriotayo iti Pagarian. Iramanyo “Dagiti ‘Naimpadtuan a Sao ti Dios’ a Kombension Distrito.”
17 min: “Agtartrabahokay Kadi nga Addaan Panggep?” Saludsod ken sungbat. Iramanyo dagiti komento iti libro a Ti Ministeriotayo, panid 88-9.
18 min: “Nagannak—Mangipakitakayo iti Nasayaat nga Ulidan Kadagiti Annakyo.” Pagsaritaan ti dua a kakabsat a lallaki a nagannak daytoy nga artikulo. Iyebkasda ti pannakaseknan maipapan iti panangsaluad kadagiti annakda manipud kadagiti di nasayaat a kababalin a makitkitada iti eskuelaan, iti telebision, ken kadagiti saan a Saksi a kakabagian ken dadduma pay. Pagsaritaan dagitoy a kakabsat dagiti nasabrak a kababalin, nailubongan a panagsasao ken panaglanglanga, ken di nasayaat a paglinglingayan. Kalpasan a mautobda ti pateg ti panangipakita iti nasayaat nga ulidan, pagsaritaanda dagiti wagas nga ad-adda pay a mangparayray iti panagadal a sangapamiliaan, iti gimgimong ti kongregasion, ken panagserbi iti tay-ak.—Kitaenyo ti Hulio 1, 1999 a Pagwanawanan, panid 8-22, ken Setiembre 22, 1991 nga Agriingkayo!, panid 8-9.
Kanta 101 ken pangserra a kararag.
Lawas ti Setiembre 13
10 min: Lokal a pakaammo. Report ti kuenta.
15 min: Komusta ti Naaramidantayo Itay Napan a Tawen? Palawag ti manangaywan iti serbisio. Repasuen dagiti tampok ti report ti kongregasion iti 1999 a tawen serbisio. Komendaran ti naaramidan nga irarang-ay. Nangnangruna nga ipamaysa iti bilang ti makigimgimong ken kadagiti panangyadal iti Biblia. Mangdakamat kadagiti praktikal a kalat iti umay a tawen.
20 min: “Ania ti Ibagayo iti Maysa a Hindu?” Saludsod ken sungbat. Ipakitayo no kasano a mabalin nga ibagay dagiti naisingasing a presentasion tapno makasabaan dagiti tattao a nagduduma ti relihionda. Mangidemostra iti nasayaat ti pannakaisaganana a presentasion a panangasaba iti maysa a Hindu. Maipaay iti ad-adu pay nga impormasion iti Hinduismo, kitaenyo ti libro a Panakirinnason, panid 21, 22, ken Ti Panangbiruk ti Sangatauan iti Dios, kapitulo 5.
Kanta 140 ken pangserra a kararag.
Lawas ti Setiembre 20
12 min: Lokal a pakaammo.
15 min: Lokal a kasapulan.
18 min: Usarenyo a Naimbag ti Libro a Creator. Palawag ken demostrasion. Inlawlawag ti Abril 1999 a Ministeriotayo iti Pagarian a mabalin nga itukon ti libro a Creator no makasaraktayo kadagiti tattao a (1) saan a mamati iti Dios wenno (2) mamati iti Dios ngem dida maawatan a talaga ti kinasiasinona wenno no ania dagiti galad ken panggepna. Dagiti saludsod ken komento iti makinlikud nga akkub ket mabalin nga usaren a pangtukay iti interes a mangbasa iti libro. Wenno mabalin a nasayaat nga usaren ti panid 152. Mabalin nga isaludsod ti agibumbunannag: “Sadino ti pakasarakantayo iti kasayaatan a balakad no kasano a risuten dagiti narikut unay a problematayo?” Mabalinna nga ipakita iti tao no kasano nga indaydayaw dagiti agdindinamag nga autoridad ti Sermon ni Jesus idiay Bantay, kiddawenna a mangpili iti maysa kadagiti pito a naitampok a punto a nangnangruna a paginteresanna, sa kalpasanna mangbasa iti sumagmamano a naisitar a bersikulo. Idemostra dagitoy dua a singasing.
Kanta 175 ken pangserra a kararag.
Lawas ti Setiembre 27
15 min: Lokal a pakaammo. Repasuen ti dadduma kadagiti singasing iti Oktubre 1996 a Ministeriotayo iti Pagarian, panid 8, no kasano ti agisagana kadagiti presentasion ti magasin a mabalin a mausar iti kampania inton Oktubre. Idemostra ti maysa wenno dua nga ababa a presentasion.
15 min: “Saludsod.” Palawag ti panglakayen.
15 min: “Rumangrang-ay ti Pudno a Panagdayaw Idiay Makindaya a Europa.” Idauluan ti panglakayen ti sesion a saludsod ken sungbat. Mangdakamat kadagiti kapadasan wenno ebidensia ti irarang-ay kadagiti nairepresentar a pagilian, kas naipadamag kadagiti nabiit pay a Yearbook.
Kanta 87 ken pangserra a kararag.