Dagiti Pakaammo

◼ Literatura a tukon iti Setiembre: Ti libro a Life​—How Did It Get Here? By Evolution or by Creation? Oktubre: Ti magasin a Pagwanawanan ken Agriingkayo! Mabalin nga itukon dagiti suskripsion no adda makita a panaginteres kabayatan ti panagsarungkar. Mangrugi iti maud-udi a paset ti bulan, maiwarasto ti Kingdom News No. 36. Nobiembre: Agtultuloy ti panagiwaras iti Kingdom News No. 36. Dagiti kongregasion a nakaileppasen iti teritoriada babaen ti panangitedda iti Kingdom News No. 36 kadagiti bumalay iti kada pagtaengan mabalinda nga itukon ti libro a Pannakaammo wenno ti broshur a Kalikaguman. Disiembre: Maitukon ti broshur a Libro Para iti Amin a Tao a kadua ti New World Translation of the Holy Scriptures.

◼ Mangrugi inton Oktubre, ipaay dagiti manangaywan ti sirkito ti palawag publiko a napauluan “Ti Agpaypayso nga Armagedon​—Apay? Kaano?” bayat a bisitaenda dagiti kongregasion.

◼ Mapalagipan dagiti panglakayen a surotenda dagiti instruksion iti panid 21-3 ti Abril 15, 1991, a Pagwanawanan, maipapan kadagiti siasinoman a nailaksid wenno naisina a nalabit kayatdan ti maisubli.