Eskediul ti Gimong ti Serbisio
Lawas ti Setiembre 11
10 min: Lokal a pakaammo. Dagiti napili a Pakaammo iti Ministeriotayo iti Pagarian. Iraman “Dagiti ‘Managtungpal iti Sao ti Dios’ a Kombension Distrito.”
15 min: “Pabaknangennatayo ti Bendision ni Jehova.” Saludsod ken sungbat.—Kitaenyo ti Insight, Tomo 2, panid 804, parapo 6-7.
20 min: “Usarenyo Dagiti Agdama a Pasamak a Pangtukay iti Interes.” Pagsasaritaan ti tallaong ken demostrasion. Mangdakamat iti sumagmamano nga agdama a paspasamak a paginteresan iti lugaryo. Mangipaaykayo iti sumagmamano a singasing no kasano ti mangisagana iti introduksion a mangiturong iti saritaan iti Biblia babaen ti panangusaryo iti libro a Panakirinnason, panid 10-11. Mangipakita iti dua a nasayaat ti pannakaisaganana a demostrasion.
Kanta 224 ken pangserra a kararag.
Lawas ti Setiembre 18
10 min: Lokal a pakaammo. Report ti kuenta.
15 min: Ania ti Naaramidantayo Itay Napan a Tawen? Palawag ti manangaywan iti serbisio. Repasuen dagiti tampok a report ti kongregasion iti 2000 a tawen serbisio. Komendaran dagiti nasayaat a nagapuanan. Dakamaten dagiti mabalin a parang-ayen. Pagminaren ti naaramidan ti kongregasion iti pannakigimong, panangirugi ken panangidaulo kadagiti panagadal iti Biblia, ken regular a panagserbi iti tay-ak. Mangdakamat kadagiti praktikal a kalat para iti sumaganad a tawen.
20 min: “Agpegpeggad ti Adu a Biag!” Pagsasaritaan ti tallaong. Pagminaren dagiti kasuratan a naisitar iti artikulo.
Kanta 30 ken pangserra a kararag.
Lawas ti Setiembre 25
15 min: Lokal a pakaammo. Repasuen ti “Saludsod.”
15 min: Lokal a kasapulan.
15 min: Saan nga Agmawmaw ti Pateg Dagiti Magasintayo. Ania ti aramidenyo no maurnong dagiti daan a Pagwanawanan ken Agriingkayo!? Dadduma nga agibumbunannag ibellengdan dagita, nga ipagarupda a daanen dagiti tema a linaonda. Imbes a kasta, indagadag kadatayo ti Oktubre 1993 a Ministeriotayo iti Pagarian, panid 7, nga agitugottayo kadagiti daan a magasin ket itukontayo dagita no maitutop. Mabalinyo ti mangpili kadagiti naintiempuan nga artikulo a nalabit magustuan dagiti lallaki, babbai, propesional, nataengan, ken tin-edyer. Idemostra no kasano a pilien ken itukon dagita nga artikulo.
Kanta 115 ken pangserra a kararag.
Lawas ti Oktubre 2
15 min: Lokal a pakaammo. Ipakaammo iti kongregasion ti naiplano nga espesial a panagiwaras iti Kingdom News No. 36, a mangrugi inton Lunes, Oktubre 16, ken agtultuloy agingga inton Biernes, Nobiembre 17. Paregtaen ti amin, a pakairamanan dagiti agtutubo ken kabbaro, nga ikagumaanda ti makiraman a naan-anay. Irugi koman dagiti konduktor ti panagadal a paregtaen ken organisaren ti intero a grupoda a makiraman a sireregta no mabalbalin. Iraman dagiti makapabileg a kapadasan iti daydi naudi a panagiwaras iti Kingdom News.
15 min: “Rumbeng Kadi nga Umakarak?” Palawag ti panglakayen. Ilawlawag no apay a kasapulan ti kinasaririt no ikeddengtayo ti umakar iti sabali a lugar. Ilawlawag no kasano nga iyaplikar ti balakad a masarakan iti Proverbio 22:3. Iraman dagiti komento maipapan kadagiti pakdaar a masarakan iti Agosto 15, 1988 a Pagwanawanan, panid 22.
15 min: Kapkapadasan iti Panangirugi Kadagiti Saritaan. Iti programa ti Gimong ti Serbisio idi lawas ti Setiembre 11, naisingasing a mangaramidtayo iti introduksion maipapan kadagiti agdama a pasamak a pangtukay iti interes ken pangirugi iti saritaan iti ministerio. Awisenyo ti tallaong a mangisalaysay kadagiti nasayaat a resulta a tinagiragsakda babaen ti panangyaplikar kadagitoy a singasing.
Kanta 205 ken pangserra a kararag.