Eskediul ti Gimong ti Serbisio

Lawas ti Pebrero 12

Kanta 6

10 min: Lokal a Pakaammo. Dagiti napili a Pakaammo iti Ti Ministeriotayo iti Pagarian. Mapagsasaritaan ti video a The Bible​—Mankind’s Oldest Modern Book iti Gimong ti Serbisio iti lawas ti Pebrero 26. Maibasar ti panagsasarita kadagiti saludsod iti panid 7 iti daytoy a ruar ti Ministeriotayo iti Pagarian.

15 min: “Imutektekanyo Dagiti Nakaskasdaaw nga Aramid ti Dios.”a Ipakita ti sumagmamano nga ilustrasion iti baro a libro a mangparayray iti apresiasion iti padto ni Isaias.

20 min: “No Kasano a Guyugoyen Dagiti Dadduma.” Panagsarita ti konduktor ti Panagadal iti Libro ti Kongregasyon ken ti maysa a payunir wenno epektibo nga agibumbunannag, a naibasar iti artikulo ken kasta met kadagiti napili a punto iti Mayo 15, 1998, a Pagwanawanan, panid 21-3. Usigen ti kahon iti panid 23 a “Panangdanon iti Puso ti Iyad-adalam.” Kalpasan a mapili ti maysa a di umiso a sursuro iti lokal a teritoria, pagsaritaanda no kasano a kombinsiren ti maysa a tao no ania ti ibagbaga ti Biblia maipanggep iti dayta a banag.

Kanta 208 ken pangserra a kararag.

Lawas ti Pebrero 19

Kanta 221

8 min: Lokal a Pakaammo. Report ti kuenta.

15 min: Lokal a kasapulan.

22 min: “Ipakaammoyo ti Nagan ken Dagiti Aramid ni Jehova.”b Repasuen ti panglakayen dagiti espesial nga urnos a naaramid para iti kanayonan nga aktibidad iti Marso, Abril, ken Mayo, agraman dagiti panagregget a mangparegta iti adu nga ag-auxiliary pioneer. Awisen dagiti sumagmamano a nagpayunir iti napalabas nga Abril a mangisalaysay iti pannakapnek a nasagrapda iti panangaramidda iti dayta. Ipamaysa ti panangtulong iti tunggal kualipikado a di aktibo nga agibumbunannag a makiraman manen iti serbisio kasta met iti panangtulong kadagiti ubbing ken dadduma pay nga agad-adal iti Biblia a kualipikado nga agbalin a di bautisado nga agibumbunannag.—Kitaenyo ti “Saludsod” iti Nobiembre 2000 a Ti Ministeriotayo iti Pagarian.

Kanta 27 ken pangserra a kararag.

Lawas ti Pebrero 26

Kanta 48

8 min: Lokal a pakaammo. Palagipan dagiti agibumbunannag nga iteddan ti reportda iti tay-ak ti serbisio iti Pebrero.

12 min: Dagiti Naisingasing a Pamay-an ti Panangitukon iti libro a Pannakaammo. Adda kadi mapanunotyo a pamay-an ti panangitukon iti libro a Pannakaammo iti Marso? No kitaenyo ti maudi a panid dagiti napalabas a ruar ti Ministeriotayo iti Pagarian, makasarakkayo kadagiti singasing para iti damo nga isasarungkar, nga adu kadagita ti naglaon kadagiti ideya para iti sumaruno nga isasarungkar. Repasuen ti dua wenno tallo kadagiti naisingasing a presentasion. (Disiembre 1995; Marso, Hunio, Nobiembre 1996; Hunio 1997; Marso 1998) Idemostra ti dua a singasing iti ruar a Nobiembre 1996 iti panangusar iti direkta a panangirugi iti panagadal iti Biblia. Paregtaen ti tunggal maysa a mangaramid iti naisangsangayan a panagregget a makairugi iti panagadal.

25 min: “Pabilgen ti Panangapresiar iti The Bible​—Mankind’s Oldest Modern Book.” Pagsasaritaan ti tallaong dagiti saludsod iti panid 7. Ipaganetget a ti New World Translation ti maysa kadagiti kasaknapan ti pannakaiwarasna a Biblia. Nasuroken a 100 milion a kopia ti naipablaak, intero man wenno iti pasetna iti 37 a pagsasao. Repasuentayo inton Abril ti maikatlo a video iti daytoy a serye, ti The Bible​—Its Power in Your Life. (Palagip: Kadagiti kongregasion nga awanan iti dayta a video, mabalin nga ipalawag ti tema a “Pannakagunggona iti ‘Taraon Manipud Langit,’” a naibasar iti Agosto 15, 1999, a Pagwanawanan, panid 25-8.)

Kanta 64 ken pangserra a kararag.

Lawas ti Marso 5

Kanta 81

5 min: Lokal a pakaammo.

18 min: “Ni Jehova Mangted iti Bileg.”c Pagkomentuen dagiti agdengdengngeg no kasano a mayaplikar dagiti kasuratan.

22 min: “Naballigi a Panangasaba Babaen ti Telepono.”d Iparang ti manangaywan iti serbisio. Iraman ti pammaregta iti Disiembre 15, 1999, a Pagwanawanan, panid 23, parapo 17. Paisalaysay ti sumagmamano nga ababa a kapadasan a mangipakita a naballigi ti kastoy a panangasaba. No saan pay a napadas daytoy, mangipaay iti sumagmamano a praktikal a singasing no kasano a mabalin a padasen dayta dagiti agibumbunannag uray iti limitado a pamay-an iti lokal a teritoriayo.

Kanta 108 ken pangserra a kararag.

[Dagiti Footnote]