Eskediul ti Gimong ti Serbisio

Lawas ti Agosto 12

Kanta 76

13 min: Lokal a pakaammo. Napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 8, paidemostra no kasano nga itukon ti Agosto 15 a Pagwanawanan ken Agosto 22 nga Agriingkayo! Iti tunggal demostrasion, mangiparang iti nagduma a pamay-an no kasano a sungbatan ti saludsod dagidiay bumdeng a makisarita nga, “Apay nga agkarasublikayo?”​—Kitaenyo ti libro a Panakirinnason, panid 20.

20 min: “Mangikeddeng Kadagiti Naespirituan a Kalat.”a No mapagsasaritaan ti parapo 5, iraman dagiti makaparegta a komento maipapan iti panag-regular pioneer ken panagserbi kas misionero ken iti Bethel iti libro a Ministeriotayo, panid 114-16.

12 min: Dagiti lokal a kapadasan. Awisenyo ti kongregasion a mangisalaysay kadagiti kapadasanda iti panangusarda iti tract a Kayatyo Kadi ti Makasursuro iti Ad-adu Pay Maipapan iti Biblia? Nakairugida kadi kadagiti panagadal iti Biblia? No adda, ilawlawagda no kasano wenno idemostrada ti maysa wenno dua a kapadasan. Repasuen ti kahon a napauluan “Dagiti Gundaway a Maipaima ti Tract” iti Disiembre 2001 a Ti Ministeriotayo iti Pagarian, panid 4.

Kanta 123 ken pangserra a kararag.

Lawas ti Agosto 19

Kanta 182

10 min: Lokal a pakaammo. Report ti kuenta.

15 min: Apay nga Agkedkedda? Pagsasaritaan ti tallaong ken demostrasion. Iti ministeriotayo, gagangay a makasaraktayo kadagiti tattao nga agkedked a makisarita maipapan iti pammatida. No maammuantayo no apay nga agkedked ti maysa a tao, mabalin a makatulong daytoy kadatayo a mangisagana iti pamay-an tapno maallukoy a mangyebkas kadagiti kapanunotanna. Pagsasaritaan no kasanotayo a maibagay ti presentasiontayo no makasaraktayo kadagiti sumaganad a kita ti tattao: (1) Dagidiay saan nga interesado iti relihion, uray iti mismo a relihionda. (2) Dagidiay debosionado kadagiti narelihiosuan a kostumbre ti pamiliada. (3) Dagidiay alusiisen a makisarita maipapan kadagiti patpatienda agsipud ta bassit ti ammoda a Kasuratan a mangpasingked kadagita. (4) Dagidiay di umiso ti panangipapanda kadatayo gapu kadagiti makaallilaw nga ibagbaga dagiti bumusbusor. Iraman ti ababa a demostrasion a mangipakita no kasano nga allukoyen ti maysa a tao a makisarita maipapan kadagiti Nainkasuratan a banag.

20 min: “Ipakitayo ti Nakristianuan a Kinasungdo No Nailaksid ti Kabagianyo.”b (Parapo 1-8) Iparang ti kualipikado a panglakayen, nga usarenna dagiti naipaay a saludsod. Ipabasa ti tunggal parapo iti maysa a kabsat a nalaing nga agbasa.

Kanta 136 ken pangserra a kararag.

Lawas ti Agosto 26

Kanta 189

10 min: Lokal a pakaammo. Babaen ti panangusar kadagiti singasing iti panid 8, paidemostra iti maysa a payunir no kasano nga iparang ti Setiembre 1 a Pagwanawanan ken paidemostra iti maysa nga agibumbunannag no kasano nga iparang ti Setiembre 8 nga Agriingkayo! Paregtaenyo ti amin nga agibumbunannag a mangiraman iti kasuratan iti presentasionda.

17 min: “Makikomunikarka!”c Iti konklusion, iparegtayo kadagiti agibumbunannag a repasuenda ti kapitulo a napauluan “No Kasano a Parang-ayen ti Abilidad a Makisarita” iti libro a Magunggonaan iti Edukasion nga Ipaay ti Teokratiko nga Eskuelaan ti Panagministro, panid 62-5.

18 min: “Ipakitayo ti Nakristianuan a Kinasungdo No Nailaksid ti Kabagianyo.”d (Parapo 9-14) Iparang ti kualipikado a panglakayen, nga usarenna dagiti naipaay a saludsod. Ipabasa ti tunggal parapo iti maysa a kabsat a nalaing nga agbasa.

Kanta 125 ken pangserra a kararag.

Lawas ti Setiembre 2

Kanta 84

10 min: Lokal a pakaammo. Apagbiit nga itampok ti artikulo a “Panagbasa a Kadua Dagiti Annakmo” iti Mayo 1, 1999, Pagwanawanan, panid 25.

20 min: Agsaganakayo Sakbay a Rummuarkayo. Panagsasarita ken demostrasion. Ad-adda nga epektibo ti ministeriotayo no agplanotayo a naimbag. Gapuna, nasakbay a: (1) Mangalakayo kadagiti literatura a kasapulanyo. (2) Siguraduenyo nga addaankayo iti umdas a house-to-house record ken ballpen wenno lapis. (3) No kasapulanyo ti aglugan, mangaramidkayo kadagiti maitutop nga urnos iti panagbiahe. (4) Panunotenyo dagiti tattao a sarungkaranyo. (5) Isaganayo ti ibagayo. No dakayo ti mangidaulo iti taripnong sakbay a mangasaba, addaankayo koma iti umdas a teritoria. Pagsasaritaanyo iti tallaong ti dua wenno tallo a pamay-an no kasano nga itukon ti libro a Creation iti ministerio bayat ti Setiembre. Paidemostra ti maysa kadagiti presentasion, ken iraman ti maysa a kasuratan iti saritaan.—Kitaenyo dagiti singasing iti Ti Ministeriotayo iti Pagarian, Setiembre 1996, panid 8, ken Hunio 1995, panid 4.

15 min: “Panangapresiar Kadagiti Probision ni Jehova.”e Iparegta ti regular a panagkontribusion dagiti amin a kameng ti kongregasion para iti sangalubongan a trabaho.

Kanta 99 ken pangserra a kararag.

[Dagiti Footnote]