Eskediul ti Gimong ti Serbisio

Palagip: Mangyeskediul Ti Ministeriotayo iti Pagarian iti Gimong ti Serbisio iti kada lawas kadagiti bulan nga adda kombension. Dagiti kongregasion mabalinda ti mangaramid kadagiti panagbalbaliw no kasapulan tapno matabunuanda ti “Makipagnakayo iti Dios” a Kombension Distrito. No maitutop, mangusarkayo iti 15 a minuto iti maudi a Gimong ti Serbisio sakbay a tabunuanyo ti kombension tapno ulitenyo a dakamaten dagiti nabatad a balakad manipud iti suplemento iti daytoy a bulan nga agaplikar iti lugaryo. Iti Pebrero, addanto mayurnos a Gimong ti Serbisio a naipamaysa iti panangrepaso kadagiti tampok ti programa iti kombension. Kas panagsagana iti dayta a diskusion, aginotartayo koma amin iti kombension, nga iramantayo dagiti espesipiko a punto a kayattayo nga iyaplikar iti biagtayo ken iti tay-ak ti ministerio.

Lawas ti Nobiembre 8

Kanta 180

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian.

15 min: “Agtalinaedkayo a Naganetget!”a Iraman dagiti komento iti Enero 15, 2000 a Pagwanawanan, panid 12-13.

20 min: “Itandudotayo a Sangsangkamaysa ti Naganna.”b Iparang ti sekretario ti kongregasion, nga usarenna dagiti naipaay a saludsod. Dakamaten ti kombension a nakaitudingan ti kongregasion. Kas pagnguduan, mangidatag iti dua wenno tallo a saludsod manipud iti artikulo a “Naespirituan a Taraon iti Umiso a Tiempo,” a mapagsasaritaan iti Gimong ti Serbisio iti sumaruno a lawas.

Kanta 19 ken pangserra a kararag.

Lawas ti Nobiembre 15

Kanta 170

10 min: Lokal a pakaammo. Usarenyo dagiti singasing iti panid 4 a mangidemostra no kasano nga itukon ti Nobiembre 15 a Pagwanawanan ken ti Nobiembre 22 nga Agriingkayo!

15 min: Napasaranyo Kadin ti Ragsak ti Panangted? Palawag a naibatay iti Nobiembre 1, 2004 a Pagwanawanan, panid 19-23.

20 min: “Naespirituan a Taraon iti Umiso a Tiempo.”c Usaren dagiti naipaay a saludsod. No mapagsasaritaan ti parapo 2, pagkomentuen ti maysa wenno dua nga agibumbunannag maipapan iti nakallalagip a kombension a tinabunuanda. Kas pagnguduan, mangidatag iti dua wenno tallo a saludsod manipud iti artikulo nga “Agbalinkayo a Nasantuan iti Amin a Kababalinyo,” a mapagsasaritaan iti Gimong ti Serbisio iti sumaruno a lawas.

Kanta 66 ken pangserra a kararag.

Lawas ti Nobiembre 22

Kanta 199

10 min: Lokal a pakaammo. Report ti kuenta.

15 min: Lokal a kasapulan.

20 min: “Agbalinkayo a Nasantuan iti Amin a Kababalinyo.”d Usaren dagiti naipaay a saludsod. Pagkomentuen ti tallaong no kasanoda a napaliiw a ti nasayaat a kababalin ken panagkawkawes dagiti kakabsat kadagiti kombension ket pakaidayawan ni Jehova.

Kanta 58 ken pangserra a kararag.

Lawas ti Nobiembre 29

Kanta 23

10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Nobiembre. Paidemostra no kasano nga itukon ti Disiembre 1 a Pagwanawanan ken ti Disiembre 8 nga Agriingkayo!

10 min: Ipalawag ti maysa a panglakayen dagiti punto iti “Saludsod.”

25 min: “Panangikondukta Kadagiti Progresibo a Panagadal iti Biblia—Paset 3.”e Usaren dagiti naipaay a saludsod. Kalpasan a mapagsasaritaan ti parapo 3, iraman ti ababa a demostrasion iti panangyadal iti Biblia a mausar ti broshur a Kalikaguman, leksion 5, parapo 1. Nabasan ti parapo ken nasungbatanen ti saludsod. Ti mangyad-adal ken ti iyad-adalanna basaen ken pagsaritaanda ti Isaias 45:18 ken Eclesiastes 1:4. Agusar ti mangyad-adal kadagiti simple a saludsod tapno matignay ti iyad-adalanna a mangilawlawag no ania ti nakainaigan ti tunggal teksto iti punto nga ad-adalenda.

Kanta 178 ken pangserra a kararag.

Lawas ti Disiembre 6

Kanta 96

10 min: Lokal a pakaammo. Dakamaten ti literatura a tukon iti Disiembre. Paidemostra ti maysa wenno dua a presentasion a mabalin nga usaren no itukon ti libro a Katan-okan a Tao.

20 min: “Makatulongkayo Kadi?”f Manginterbiu iti maysa wenno dua nga agibumbunannag nga agyaman unay iti tulong wenno pammaregta nga impaay dagiti dadduma.

15 min: Magunggonaan a Naan-anay iti Gimong ti Serbisio. Pagsasaritaan ti tallaong a naibatay iti libro a Ti Ministeriotayo, panid 71-2. Iti ania a lima a pamay-an a tulongannatayo ti Gimong ti Serbisio a rumang-ay kas Kristiano a ministro? Mangdakamat kadagiti ehemplo iti programa iti agdama a bulan. Ania dagiti pagsayaatan ti panagsagana a nasaksakbay? Apay a regular a tumabunotayo? Ania ti Nainkasuratan a pakaibatayan daytoy a gimong?

Kanta 101 ken pangserra a kararag.

[Dagiti Footnote]