Eskediul ti Gimong ti Serbisio

Lawas ti Pebrero 14

Kanta 174

10 min: Lokal a Pakaammo. Dagiti napili a Pakaammo iti Ti Ministeriotayo iti Pagarian. Paregtaen ti amin nga usarenda dagiti saludsod iti panid 1 no repasuenda dagiti notada kas panagsagana iti saludsod-ken-sungbat a pannakausig ti programa ti “Makipagnakayo iti Dios” a Kombension Distrito iti Gimong ti Serbisio iti sumaganad a lawas. Usaren dagiti singasing iti panid 8 a mangidemostra no kasano nga itukon ti Pebrero 15 a Pagwanawanan ken ti Pebrero 22 nga Agriingkayo! Repasuen iti apagbiit no kasano a maibagay dagiti pagtuladan a presentasion kadagiti kasapulan ti lokal a teritoriayo.—Kitaenyo ti Enero 2005 a Ti Ministeriotayo iti Pagarian, p. 8.

35 min: “Ti Panawen ti Memorial—Tiempo ti Naganetget nga Aktibidad.”a Iparang ti manangaywan iti serbisio. No mapagsasaritaan ti parapo 6, iraman dagiti komento ti Setiembre 8, 2004 nga Agriingkayo!, panid 12-13. Iyanunsio ti nagan dagidiay nagpasalista kas auxiliary pioneer. Dakamaten dagiti nayurnos a kanayonan a taripnong sakbay ti panangasaba. Paregtaen ti amin a mangpalawa iti naespirituan nga aktibidadda iti aniaman a wagas bayat daytoy a panawen ti Memorial.

Kanta 14 ken pangserra a kararag.

Lawas ti Pebrero 21

Kanta 31

5 min: Lokal a pakaammo.

40 min: “Ti Kombension Distrito Gutugotennatayo a Makipagna iti Dios.” Iparang ti panglakayen. Kalpasan ti maysa wenno awan pay maysa a minuto nga introduksion, pagsasaritaan ti tallaong ti programa ti kombension nga usarenda dagiti saludsod iti artikulo. Bingaybingayen ti oras tapno mausig amin a saludsod, nalabit maysa laeng a sungbat ti kasapulan kadagiti dadduma a saludsod. Saan a kasapulan a basaen amin a nadakamat a teksto iti naituding nga oras; nairaman dagitoy tapno nalaklaka a biroken dagiti sungbat. Masapul a maipamaysa dagiti komento kadagiti gunggona ti panangyaplikar kadagiti bambanag a nasursuro.

Kanta 21 ken pangserra a kararag.

Lawas ti Pebrero 28

Kanta 42

15 min: Lokal a pakaammo. Report ti kuenta. Ipalagip kadagiti agibumbunannag nga iteddan ti reportda iti serbisio iti tay-ak iti Pebrero. Usaren dagiti singasing iti panid 8 (no maitutop iti teritoriayo) a mangidemostra no kasano nga itukon ti Marso 1 a Pagwanawanan ken ti Marso 8 nga Agriingkayo! Mabalin nga usaren ti dadduma pay a realistiko a presentasion. Iti ngudo ti maysa kadagiti presentasion, ti agibumbunannag awisenna ti bumalay a tumabuno iti Memorial babaen ti panangusarna iti makinlikud nga akkub ti Marso 8 nga Agriingkayo!

20 min: “Panangikondukta Kadagiti Progresibo a Panagadal iti Biblia—Part 6.”b Iraman ti uppat a minuto a demostrasion maipapan iti estudiante iti Biblia nga agsalsaludsod no apay a manmano kadagiti timmabuno iti Memorial ti nangan iti tinapay ken imminum iti arak. Komendaran ti mangyad-adal gapu iti saludsodna, isuratna dayta, ken isingasingna a pagsaritaandanto kalpasan a mausigda ti material a mapagadalan iti lawas. Iti ngudo ti panagadal, iturong ti mangyad-adal ti atension ti estudiante iti material iti babaen ti paulo a “Siasinoda ti makiraman iti tinapay ken iti arak?” iti panid 324-5 ti libro a Pannakirinnason. Duada a mangbasa iti dayta, ket agyaman ti estudiante gapu iti nalawag a sungbat ti saludsodna.

10 min: “Tulonganyo Ida nga Umawat iti Kanayonan a Pammaneknek.” Repasuen dagiti kangrunaan a punto iti artikulo iti panid 6. Paregtaen ti amin a suratanda a dagus ti porma a Please Follow Up (S-43) no adda tumaud a panagkasapulan.

Kanta 72 ken pangserra a kararag.

Lawas ti Marso 7

Kanta 12

10 min: Lokal a pakaammo. Repasuen dagiti kangrunaan a punto iti “Dagiti Palagip Mainaig iti Memorial.”

15 min: Lokal a kasapulan.

20 min: “Itukonyo Dagiti Magasin iti Ministerioyo.”c No mapagsasaritaan ti parapo 3 ken 4, mangipaay iti lokal nga aplikasion ti material. Pagsaludsodan iti apagbiit ti maysa wenno dua nga agibumbunannag nga epektibo ti panagipaimada kadagiti magasin kadagiti lugar ti negosio, lansangan, publiko a lugar, wenno iti di pormal a panangasaba. Pailawlawagyo no kasano ti panangikondukta kadagiti magasin kadagiti kasta a lugar. Paidemostra iti apagbiit ti maysa a kapadasan.

Kanta 192 ken pangserra a kararag.

[Dagiti Footnote]