Dagiti Singasing iti Panangitukon iti Ania ti Panggep ti Biag?—Kasanoyo a Masarakan Dayta?
Kalpasan ti panangkablaawmo iti bumalay, mabalinmo a kunaen:
“Saan a maliklikan dagiti parikut ken pannakapaay iti biag ita. Iti panagkunam, talaga kadi a kastoy ti biag? [Palubosam a sumungbat.] Ipakita daytoy a broshur a matungpalto ti orihinal a panggep ti Dios iti sangatauan ken iti daga. [Ilawlawagmo ti ladawan iti panid 20-1 sa basaem ti parapo 9, nga itampokmo ti Isaias 14:24 ken 46:11.] Iti sumaganad a panagsarungkarko, kayatko nga ipakita kenka no pakasaran iti Biblia ti maipapan iti panangisubli ti Dios iti Paraiso ditoy daga.” Itukonmo ti broshur, ken iyurnosmo ti agsubli.
Inton agsublika, mabalinmo a kunaen:
“Idi naminsan, naibagak kenka a panggep ti Dios nga agbiag nga agnanayon dagiti tattao iti paraiso a daga. [Ipakitam manen ti ladawan iti panid 20-1.] Imutektekam ta dinakamat da Jesus, Pedro, ken David ti Paraiso.” Pairuarmo ti broshurna. Kalpasanna, ukagem ti panid 21-2 sa usigenyo ti parapo 10-13. Itukonmo ti panagadal iti Biblia, wenno iyurnosmo a pagsaritaanyo ti maysa kadagiti subtitulo iti panid 29-30 iti sumaganad a panagsarungkarmo.
Ti agtutubo nga agibumbunannag mabalinna a kunaen:
“Adu nga agtutubo a kas kaniak ti saan a sigurado maipapan iti masanguanan. Panagkunayo, nasaysayaatto ngata ti biag para iti sumaganad a kaputotan? [Palubosam a sumungbat.] Dakamaten ti Biblia ti naraniag a masakbayan ti sangatauan. [Ukagem ti ilustrasion iti panid 31 ti broshur sa basaem ti kapsion. Kalpasanna, basaem ti 2 Pedro 3:13.] Salaysayen daytoy a broshur dagiti bendision nga ipaay ti Dios iti sangatauan. [Itampokmo dagiti napuskol ti pannakaisuratna a subtitulo iti panid 29-30, sa itukonmo ti broshur.] Kayatko ti agsublinto manen tapno iranudko kadakayo ti kari ti Dios a pagpatinggaenna dagiti amin a gubat.” Iyurnosmo ti agsubli.
Inton agsublika, mabalinmo a kunaen:
“Idi naminsan nga isasarungkarko, nadakamatko iti apagbiit ti panggep ti Dios a mangisubli iti paraiso a daga. [Ipakitam manen ti ladawan iti panid 31.] Apresiarek no ania ti makunayo iti kari ti Dios a pagpatinggaenna dagiti amin a gubat.” Pairuarmo ti broshurna sa basaen ken pagsaritaanyo ti parapo 3-6 iti panid 29. Iyurnosmo a pagsaritaanyo ti parapo 7-8 iti sumaganad nga isasarungkarmo.
No makipagtrabaho ti nataengan iti maysa nga ubing, ti nataengan mabalinna nga iyam-ammo ti bagida sa kunaenna:
“No ipalubosmo, kayat ni ________ nga ipakita kenka ti maysa a ladawan ken ibasa ti maysa a teksto iti Biblia. [Ipakita ti ubing ti ladawan sa basaenna ti kapsion iti panid 31 ken ti Apocalipsis 21:4.] Ilawlawag daytoy a broshur no ania ti aramiden ti Dios kadagiti parikut a pakaipaspasanguantayo ita. [Itampokmo iti apagbiit dagiti napuskol ti pannakaisuratna a subtitulo iti panid 29-30, sa itukonmo ti broshur.] Inton agsublikami, kayatko nga ipakita kenka no ania ti kuna ti Biblia maipapan iti panagpatingga dagiti amin a parikut iti salun-at.”
Iti panagsarungkar, mabalin a kunaen ti nataengan:
“Idi naudi a panagsaritata, naibagak a kayatko nga ipakita kenka no ania ti kuna ti Biblia maipapan iti panagpatingga dagiti amin a parikut iti salun-at. Imutektekam no ania ti nadakamat ditoy.” Pairuarmo ti broshurna sa usigenyo ti parapo 9-14 iti panid 29. Itukonmo ti panagadal iti Biblia, wenno iyurnosmo a pagsaritaanyo ti parapo 15-17 iti sumaganad a panagsarungkarmo.