Dagiti Broshur Para Kadagiti Tattao a Saan a Kameng Dagiti Kristiano a Relihion
Lasting Peace and Happiness—How to Find Them
No kasabaam ti Tsino nga estudiante, mabalinmo a kunaen:
“Ti napaliiwko a gagangay a pakaseknan dagiti estudiante ket kayatda amin ti maaddaan iti talna ken kinaragsak. Panagkunam napateg kadi dayta? [Palubosam a sumungbat.] Saan kadi a makaparagsak a makita ti kaitungpalan dagitoy a sasao idi un-unana?” Basaem ti Salmo 37:11, sa itukonmo ti broshur—km 2/98 p. 5.
“Adtoy! Pagbalinek Dagiti Isuamin a Bambanag a Baro”
Mabalinmo nga ibaga iti maysa a nataengan a Budista:
“Nalabit a maseknankayo a kas kaniak iti agdama a panagsaknap dagiti naalas a kapanunotan ken ti epekto dagitoy kadagiti annaktayo. Apay a kasta la unayen ti panagraira ti imoralidad kadagiti agtutubo? [Palubosam a sumungbat.] Ammoyo kadi a naipadto daytoy iti maysa a libro a nangrugi ti pannakaisuratna mabayag pay sakbay ti pannakaipasdek dagiti relihion a Muslim, Kristiano, ken Hindu? [Basaem ti 2 Timoteo 3:1-3.] Kitaem ta agraraira dagitoy a kasasaad iti laksid ti agtultuloy a panagad-adal. [Basaem ti bersikulo 7.] Tinulongannak daytoy a publikasion a mangtarus iti kinapudno a di pulos ammo ti kaaduan a tattao. Kayatyo kadi a basaen?”—km 8/99 p. 8.
Our Problems—Who Will Help Us Solve Them?
Iti ub-ubing a Hindu, mabalinmo a kunaen:
“Awan duadua a mamatika iti Dios. Ania ti pagarupem a panggep ti Dios para kadatayo? [Palubosam a sumungbat sa basaem ti Genesis 1:28.] Iti adu a lugar, adu unayen ti populasion ti daga ken magabgabsuonan kadagiti parikut. Iti panagkunam, sidadaan ngata ti Dios a tumulong kadatayo a mangrisut kadagiti parikuttayo?” Palubosam a sumungbat sa itukonmo ti broshur.—km 9/99 p. 8.
The Guidance of God—Our Way to Paradise
No kasaritam ti maysa a Muslim, mabalinmo a kunaen:
“Ikagkagumaak ti makisarita kadagiti Muslim. Maawatak a mamati dagiti Muslim iti maymaysa a pudno a Dios ken kadagiti amin a propeta. Saan kadi? [Palubosam a sumungbat.] Kayatko ti makisarita kadakayo maipapan iti padto idi un-unana a mangipakpakauna iti panagbalin ti daga a paraiso. Mabalinko kadi nga ibasa kadakayo no ania ti insurat ti propeta? [Palubosam a sumungbat sa basaem ti Isaias 11:6-9.] Daytoy a padto ipalagipna kaniak dagiti sasao a naadaw iti Koran a masarakan iti daytoy a broshur.” Ukagem ti panid 9 sa basaem dagiti sasao a napuskol ti pannakaisuratna. No mangipakita iti interes, itultuloymo ti makisarita babaen ti panangilawlawagmo iti parapo 7-9 iti bangir a panid.—km 11/99 p. 8.
Why Should We Worship God in Love and in Truth?
Mabalin a makaguyugoy daytoy a presentasion iti maysa a Hindu nga Addaan iti Pamilia:
“Sarsarungkarak dagiti tattao a maseknan iti kasasaad ti biag ti pamilia iti adu a pagilian ita. Ania ti pagarupenyo a makatulong iti panagkaykaysa ti pamilia? [Palubosam a sumungbat.] Ammo ti dadduma a tattao no ania ti kunaen dagiti Hindu a kasuratan maipapan iti biag ti pamilia, ngem saanda a pulos a naaddaan iti gundaway a mangidilig iti dayta iti Biblia. Kayatko nga iranud kadakayo daytoy a kapanunotan. [Basaem ti Colosas 3:12-14.] Usigen daytoy a broshur dagiti sagrado a sursurat ti India kasta met ti Biblia.” Itukonmo ti broshur, ken itampokmo ti panid 8-9 ken 20-1.—km 9/99 p. 8.
Will There Ever Be a World Without War?
No kasabaam ti maysa a Judio, mabalinmo a kunaen:
“Napasaranen ti kaaduan kadatayo ti saem ti matayan iti patpatgen. Ania ti pagarupenyo a mapasamak kadatayo no mataytayo?” Palubosam a sumungbat. Kalpasanna, itampokmo ti kahon a “Death and the Soul—What Are They?” iti panid 22 ti broshur. Basaem ti parapo 17 iti panid 23 maipapan iti panagungar. Dakamatem a namati ni patriarka a Job iti namnama a panagungar. Itukonmo ti broshur sa iyurnosmo ti agsubli tapno pagsaritaanyo dagiti naisitar a teksto iti ngudo ti parapo 17.—km 10/99 p. 8.