No Ania ti Ibagayo Maipapan Kadagiti Magasin

Ti Pagwanawanan Hun. 15

“Napalpaliiwyo kadi nga adu ita ti mangikedkeddeng iti bukodda a pagalagadan iti umiso ken di umiso? [Palubosanyo a sumungbat.] Daytoy ti maysa a pagarigan ti manayon a giya a masarakan iti Biblia. [Basaenyo ti maysa a teksto iti kahon iti panid 6-7.] Ilawlawag daytoy a magasin no kasano a magunggonaantayo no iyaplikartayo dagiti moral a pagalagadan iti Biblia.

Agriingkayo! Hun.

“Kasapulantayo amin ti kuarta tapno agbiagtayo. Iti panagkunayo, nasayaat ngata no makumikomtayo unay nga agsapul iti kuarta? [Palubosanyo a sumungbat.] Imutektekanyo no ania ti kuna ti Biblia maipapan kadagiti resulta ti panagpabaknang. [Basaenyo ti 1 Timoteo 6:10.] Mangted daytoy a magasin kadagiti sumagmamano a praktikal a singasing no kasano nga agbalin a simple ti biag ti maysa a tao tapno umdas ti bassit a kuartana.”

Ti Pagwanawanan Hul. 1

“Napampanunotyo kadin no apay a mairurrurumen dagiti tattao gapu ta sabali ti puli wenno nasionalidad wenno lenguaheda? [Palubosanyo a sumungbat.] Imutektekanyo no ania ti makagapu. [Basaenyo ti 1 Juan 4:20.] Sungbatan daytoy a magasin ti saludsod a, Posible kadi nga agkaykaysa ti nadumaduma a puli?”

Agriingkayo! Hul.

“Saan a kas kadagiti animal nga agtigtignay sigun iti naikasigudan a panunotda, dagiti tattao ket addaan iti abilidad a mangpili kadagiti pagalagadan nga annurotenda. Sadino ti ammoyo a pakasarakantayo iti mapagtalkan a giya? [Palubosanyo a sumungbat sa basaenyo ti Salmo 119:105.] Ilawlawag daytoy a magasin ti kinatan-ok ti giya a masarakan iti Biblia.”