No Ania ti Ibagayo Maipapan Kadagiti Magasin

Ti Pagwanawanan Mayo 15

“Napampanunotyo kadin no dagiti banag nga ar-aramiden dagiti tattao ditoy daga ket adda epektona iti Dios? [Palubosanyo a sumungbat.] Imutektekanyo no kasano a maapektaran dagiti tignaytayo ti rikna ti Dios. [Basaenyo ti Proverbio 27:11.] Usigen daytoy a magasin ti maipapan kadagiti sumagmamano a tattao a nangparagsak iti puso ti Dios, ken ilawlawagna no kasano a maaramidtayo met dayta.”

Agriingkayo! Mayo 22

“Nakaskasdaaw ti irarang-ay ti siensia medikal iti panangagas kadagiti sakit, ngem panagkunayo, dumtengto ngata ti panawen nga awanton a pulos ti sakit ditoy lubong? [Palubosanyo a sumungbat.] Ilawlawag daytoy a magasin nga addanto aldaw nga amin a tao ditoy daga tagiragsakendanto ti naan-anay a salun-at kas kaitungpalan daytoy a kari.” Basaenyo ti Isaias 33:24.

Ti Pagwanawanan Hunio 1

“Adda dagiti agkuna a saan a kasapulan ti makikameng iti organisado a relihion tapno agdayaw iti Dios. Napampanunotyo kadin dayta? [Palubosanyo a sumungbat.] Usigen daytoy a magasin ti pannakilangen ti Dios kadagiti tattao kadagiti naglabas a panawen. Ilawlawagna pay no ania ti kaipapanan ti panagdayaw iti Dios buyogen ti kinapudno.” Basaenyo ti Juan 4:24.

Agriingkayo! Hunio 8

“Adu ita ti malmalday. Mariknada a naisinada kadagiti dadduma. Dikay kadi umanamong a nasaem daytoy? [Palubosanyo a sumungbat. Sa basaenyo ti Salmo 25:16.] Mangipaay daytoy a ruar ti Agriingkayo! kadagiti praktikal a singasing no kasano a parmeken ti kinaliday.”