No Ania ti Ibaga No Itukon Dagiti Magasin

Ti Pagwanawanan Mayo 1

Basaenyo ti Mateo 24:3 sayo kunaen: “Ipagarup ti dadduma a mainaig daytoy a saludsod iti panungpalan ti daga. Iti panagkunayo, madadaelto kadi ti daga? [Palubosanyo a sumungbat.] Ti sungbat ni Jesus tignayennatayo a mangpadaan iti panungpalan ti sabali a banag, saan a ti daga. Dayta ti ilawlawag daytoy nga artikulo.” Mailawlawag daytoy iti artikulo iti panid 16.

Agriingkayo! Mayo

“Ikaskasaba ti dadduma a ministro a bumaknangtayo no maay-ayotayo ti Dios. Ngem nalabit nga addada am-ammoyo a naimbag a tattao a napanglaw. Panagkunayo, kayat kadi ti Dios a bumaknangtayo? [Palubosanyo a sumungbat sa basaenyo ti Hebreo 13:5.] Ilawlawag daytoy nga artikulo no kasano a bembendisionannatayo ti Dios.” Itampok ti artikulo a mangrugi iti panid 12.

TiPagwanawanan Hunio 1

“Uso itan dagiti libro a mangipaay iti balakad iti panangpadakkel iti anak, ayat, ken panangragpat iti personal a balligi. Napaneknekam kadi a makatulong dagita? [Palubosanyo a sumungbat.] Adu ti di mangikabkabilangan iti gubuayan ti mapagtalkan a balakad. [Basaenyo ti 2 Timoteo 3:16.] Ilawlawag daytoy a magasin no apay a makapagtalektayo iti Biblia ken mangipaay kadagiti pagarigan ti praktikal a balakad a linaonna.”

Agriingkayo! Hunio

“Kas pagaammoyo, mapagsupsupiatan no naimbag wenno dakes ti aborsion. Iti panagkunam, makatulong kadi ti Biblia tapno maikeddeng ti maysa a tao no ania ti aramidenna? [Palubosanyo a sumungbat sa basaenyo ti 2 Timoteo 3:16, 17.] Ipakita daytoy a magasin no ania ti kunaen ti Biblia maipapan iti daytoy a topiko.”