No Ania ti Ibagayo Maipapan Kadagiti Magasin

Ti Pagwanawanan Mayo 1

“Pampanunoten ti dadduma a tattao no dusdusaennatayo ti Dios gapu ta kumarkaro dagiti kalamidad iti kaaldawantayo. Ania ti makunayo? [Palubosanyo a sumungbat sa basaenyo ti 1 Juan 4:8.] Ilawlawag daytoy nga artikulo no apay a saan a nakem ti Dios ti panagsagaba nga iyeg dagiti kalamidad.” Itampokyo ti artikulo a mangrugi iti panid 30.

Agriingkayo! Mayo

Basaenyo ti Mateo 6:10 sa isaludsodyo: “Napampanunotyo kadin no ania ti pagayatan ti Dios agpaay iti daga? [Palubosanyo a sumungbat.] Sigun iti Biblia, idi pay un-unana nga adda pinanggep ti Dios agpaay iti daga, ket saan a nagbalbaliw dayta a panggep. Ilawlawag daytoy nga artikulo ti maipapan iti dayta.” Itampokyo ti artikulo a mangrugi iti panid 10.

Ti Pagwanawanan Hun. 1

“Ti maysa kadagiti kalatakan a salaysay iti Biblia ket ti maipapan kenni Noe ken ti Layus. Iti panagkunayo, talaga kadi a napasamak ti Layus? [Palubosanyo a sumungbat.] Makapainteres ta kuna ni Jesus a talaga a napasamak dayta. [Basaenyo ti Lucas 17:26, 27.] Daytoy a magasin ikkannatayo kadagiti rason a mamati iti salaysay maipapan iti Layus ken ilawlawagna dagiti napateg a leksion a masursurotayo iti dayta.”

Agriingkayo! Hun.

“Maysa a karit ti mangpadakkel iti anak nangruna no mangrugin a bumaro wenno bumalasang ken makapasar kadagiti dakkel a panagbalbaliw iti biagna. Iti panagkunayo, pakasarakan ngata dagiti nagannak iti mapagtalkan a balakad? [Palubosanyo a sumungbat sa basaenyo ti Isaias 48:17, 18.] Mangted daytoy a magasin kadagiti naintiempuan a singasing a makatulong kadagiti nagannak nga agtignay buyogen ti sirib ken pannakaawat.”