No Ania ti Ibaga No Itukon Dagiti Magasin

Ti Pagwanawanan Agosto 1

“Adu ti mamati a mapan idiay langit amin a nasayaat a tattao. Kasta kadi met ti patpatienyo? [Palubosanyo a sumungbat.] Imutektekanyo no ania ti kuna ti Biblia maipapan iti daga. [Basaen ti Salmo 37:11, 29.] Ipakita daytoy nga artikulo no ania ti insuro ni Jesus maipapan iti masanguanan ti sangatauan ditoy daga.” Itampokyo ti artikulo a mangrugi iti panid 22.

Agriingkayo! Agosto

“Manmano ti pasamak a nasasaem ngem iti ipupusay ti maysa a nagannak. Umanamongkayo kadi iti dayta? [Palubosanyo a sumungbat.] Adu ti naliwliwa kadagiti teksto iti Biblia a kas iti daytoy. [Basaen ti Apocalipsis 21:4.] Ilawlawag daytoy nga artikulo no kasano a daeran ti agkakanat a rikna gapu iti ipupusay ti nagannak, nangruna iti biang ti maysa nga agtutubo.” Itampokyo ti artikulo a mangrugi iti panid 10.

Ti Pagwanawanan Setiembre 1

“Adda dagiti agkuna a no matalekka iti Dios, bendisionannaka iti adu a kinabaknang ngem no napanglawka, kayatna a sawen, awan kenka ti anamong ti Dios. Ania ti makunayo? [Palubosanyo a sumungbat.] Makapainteres ta ni Jesus ket saan a nabaknang a tao. [Basaen ti Lucas 9:58.] Ilawlawag daytoy a magasin no ania a kita ti bendision ti manamnama dagiti adipen ti Dios.”

Agriingkayo! Setiembre

“Iti panagkunayo, ad-adu kadi ti karit a mapaspasaran dagiti agtutubo ita no idilig iti napalabas? [Palubosanyo a sumungbat.] Adu ti agkuna a daytoy a teksto ket maitutop iti kaaldawantayo. [Basaen ti 2 Timoteo 3:1.] Dakamaten daytoy a magasin ti sumagmamano a praktikal a prinsipio ti Biblia a makatulong kadagiti nagannak ken kadagiti agtutubo.”