No Ania ti Ibaga No Itukon Dagiti Magasin

Ti Pagwanawanan Hulio 1

“Adu ti saan a makaammo iti ibagana iti maysa a gayyem a nakaro ti sakitna wenno dandanin matay. Ania ti makunayo iti daytoy a balakad? [Basaen ti Santiago 1:19 sa palubosan a sumungbat.] Mangted daytoy nga artikulo iti sumagmamano a praktikal a singasing a naibatay kadagiti prinsipio iti Biblia.” Itampokyo ti artikulo a mangrugi iti panid 10.

Agriingkayo! Hulio

“Mabalin kadi nga agserbi dagiti babbai kas ministro? [Palubosan a sumungbat.] Kastoy ti kuna ti Biblia maipapan iti maysa a babai. [Basaen ti Roma 16:1.] Ngem iti sabali a bersikulo naikuna a masapul nga agulimek dagiti babbai iti kongregasion. No kasta, ania a talaga ti kuna ti Biblia? Daytoy nga artikulo ti mangilawlawag iti dayta.” Itampokyo ti artikulo a mangrugi iti panid 28.

Ti Pagwanawanan Agosto 1

“Pagbutbutngan ti adu a tao ti pannakadadael ti daga babaen ti nuklear a gubat wenno panagbaliwbaliw ti paniempo. Iti panagkunayo, mapasamakto ngata daytoy? [Palubosan a sumungbat.] Imutektekanyo no ania ti kuna ti Biblia maipapan iti daytoy. [Basaen ti Apocalipsis 11:18.] Sungbatan daytoy a magasin ti uppat a gagangay a maisalsaludsod maipapan iti panungpalan ti lubong.”

Agriingkayo! Agosto

“Nalabit adda nakasaritayon a Saksi ni Jehova. Panagkunayo, apay ngata a mangaskasabakami iti binalay-balay uray no saan nga interesado ti kaaduan a tattao. [Palubosan a sumungbat sa basaen ti Mateo 24:14.] Napaliiwmi nga adu ti di umiso ti panangmatmatda kadakami. Ilawlawag daytoy a magasin no siasino dagiti Saksi ni Jehova.”